نائب وزیراعظم و وزیر خارجہ محمد اسحاق ڈار کا ترک ہم منصب سے ٹیلیفونک رابطہ، خطے کی حالیہ صورتحال پر تبادلہ خیال کیا

اسلام آباد(نمائندہ خصوصی):نائب وزیراعظم و وزیر خارجہ سینیٹر محمد اسحاق ڈار نے ترکیہ کے وزیر خارجہ ہاکان فیدان سے ٹیلیفونک رابطہ کیا او خطے کی حالیہ صورتحال پر تبادلہ خیال کیا ۔پیر کو وزارت خارجہ سے جاری بیان کے مطابق دونوں وزرائے خارجہ نے خطے کی حالیہ صورتحال پر تبادلہ خیال اور باہمی دلچسپی کے امور پر تعاون کو مزید مضبوط بنانے کے عزم کا اعادہ کیا۔انہوں نے اس بات پر اتفاق کیا کہ علاقائی چیلنجز سے نمٹنے اور امن و استحکام کے فروغ کے لیے مکالمہ اور سفارت کاری ہی بہترین راستہ ہے۔