کراچی اینکر مرید عباس سمیت 2 افراد کا قتل کیس، عاطف زمان کو 2 بار سزائے موت کا حکم

کراچی( کورٹ رپورٹر) ایڈیشنل ڈسٹرکٹ اینڈ سیشن عدالت نے اینکر مرید عباس سمیت دو افراد کے قتل کیس کا فیصلہ 7 سال بعد سنا دیا۔عدالت نے دو افراد کے قتل کا جرم ثابت ہونے پر ملزم عاطف زمان کو 2 بار سزائے موت کا حکم دے دیا، عدالت نے مفرور شریک ملزم عادل زمان کے دائمی وارنٹ جاری کردیئے۔پراسیکیوشن نے کہا کہ اینکر مرید عباس سمیت دو افراد کو 9 جولائی 2019 کو قتل کیا گیا تھا، ملزم عاطف زمان اور عادل زمان کے خلاف تھانہ درخشاں میں درج کیا گیا تھا۔پراسیکیوشن کے مطابق ملزم عاطف زمان اور اسکے بھائی عادل زمان نے کاروباری لین دین میں اینکر مرید عباس اور خضرحیات کو قتل کردیا تھا، ملزم عادل زمان سپریم کورٹ سے درخواست ضمانت مسترد ہونے کے بعد فرار ہوگیا تھا، ٹرائل کورٹ نے عادل زمان کو اشتہاری قرار دے رکھا ہے۔کراچی کی ایڈیشنل ڈسٹرکٹ اینڈ سیشن عدالت ساؤتھ نے اینکر مرید عباس سمیت 2 افراد کے قتل کے کیس کا فیصلہ 7سال بعد سنا دیا۔عدالت نے قتل کا جرم ثابت ہونے پر مجرم عاطف زمان کو 2 بار سزائے موت کا حکم دیا۔عدالت نے شریک ملزم عادل زمان کے دائمی وارنٹ جاری کر دیے۔ٹرائل کورٹ نے عادل زمان کو اشتہاری قرار دے رکھا ہے۔عدالت نے ملزم کو 5، 5 لاکھ روپے مقتولین کے ورثاء کو ادا کرنے کا حکم بھی دیا۔واضح رہے کہ اینکر مرید عباس سمیت 2 افراد کو 9 جولائی 2019ء کو قتل کیا گیا تھا۔