وزیراعلیٰ مریم نواز شریف کی ہدایت پر معاون خصوصی ثانیہ عاشق نے فیصل آباد مریم نواز سکول برائے اسپیشل چلڈرن، سنٹر آف ایکسی لینس کا افتتاح کردیا

لاہور ( نمائندہ خصوصی)وزیراعلیٰ پنجاب مریم نواز شریف کی ہدایت پر معاون خصوصی برائے اسپیشل ایجوکیشن ثانیہ عاشق نے فیصل آباد میں مریم نواز سکول برائے سپیشل چلڈرن، سنٹر آف ایکسی لینس کا دورہ کیا۔ وزیراعلیٰ مریم نواز شریف کے ویژن کے تحت اسپیشل ایجوکیشن ڈیپارٹمنٹ خصوصی بچوں کے لیے شاندار اقدام کررہا ہے۔ معاون خصوصی وزیراعلیٰ ثانیہ عاشق نے سیکرٹری سپیشل ایجوکیشن اور ڈی جی اسپیشل ایجوکیشن کے ہمراہ مریم نواز سکول برائے سپیشل چلڈرن، سنٹر آف ایکسی لینس کا باضابطہ افتتاح کیا۔ معاون خصوصی ثانیہ عاشق نے خصوصی بچوں کے ساتھ وقت گزارا اور نئی سہولیات کے بارے میں عملے سے تفصیلی بریفنگ لی۔ خصوصی بچوں نے وزیراعلیٰ مریم نواز شریف کو یہ خوبصورت ادارہ دینے پر دل کی گہرائیوں سے شکریہ ادا کیا۔ والدین اور عملے نے بھی معاون خصوصی سے درخواست کی کہ وزیراعلیٰ پنجاب تک ان کا پیغامِ تشکر پہنچایا جائے۔معاون خصوصی برائے اسپیشل ایجوکیشن ثانیہ عاشق نے کہا کہ وزیراعلیٰ مریم نوازشریف نے خصوصی بچوں کی بہتری کے لیے تمام وسائل بھرپور طریقے سے فراہم کیے ہیں۔یہ بچے جنہیں وزیراعلیٰ اپنے بچے کہتی ہیں، ان کی اولین ترجیح ہیں۔وزیراعلیٰ مریم نوازشریف اور ان کی ٹیم ان بچوں کے لیے والدین والا درد رکھتی ہیں۔معاون خصوصی نے مزید کہا کہ وزیراعلیٰ مریم نواز شریف کی ان بچوں کے ساتھ محبت الفاظ میں بیان نہیں ہو سکتی۔ یہ سب وزیراعلیٰ پنجاب کی ذاتی توجہ اور نگرانی کا ثمر ہے۔اسپیشل ایجوکیشن ڈیپارٹمنٹ پنجاب وزیراعلیٰ کے ویژن کے تحت پنجاب بھر میں خصوصی بچوں کی تعلیم، تربیت اور بہبود کے لیے مسلسل سرگرمِ عمل ہے۔