اسلام آباد۔(نمائندہ خصوصی):وفاقی حکومت نے 13 جون سے شروع ہونے والے آئندہ ہفتے کے لیے پٹرولیم مصنوعات کی قیمتوں میں کمی کا اعلان کر دیا ہے۔پٹرولیم ڈویژن کی جانب سے جاری اعلامیے کے مطابق موٹر اسپرٹ (پٹرول) کی قیمت میں 4 روپے فی لٹر کمی کی گئی ہے، جس کے بعد نئی قیمت 377 روپے 78 پیسے سے کم ہو کر 373 روپے 
78 پیسے فی لٹر ہو گئی ہے۔اسی طرح ہائی اسپیڈ ڈیزل کی قیمت میں 2 روپے فی لیٹر کمی کی گئی ہے، جس کے بعد اس کی نئی قیمت380روپے 78 پیسے سے کم ہو کر 378 روپے 78 پیسے فی لٹر ہو گئی ہے۔ نئی قیمتوں کا اطلاق رات 12 بجے سے ہوگا۔