پاکستان کی ترقی خوشحالی تحفظ، کے لیے متحد ہوں۔ محترمہ فرح عظیم شاہ

کوئٹہ ( نمائندہ خصوصی)بلوچستان اسمبلی کی رکن محترمہ فرح عظیم شاہ نے ایک جذباتی خطاب میں ملک کے نوجوانوں اور تمام پاکستانیوں سے اپیل کی ہے کہ وہ اپنے پیارے وطن پاکستان کے تحفظ، اتحاد اور ترقی کے لیے متحد ہوں۔محترمہ فرح عظیم شاہ نے کہا کہ آج سوشل میڈیا پر فیک پروپگنڈا اور غلط اطلاعات کے ذریعے نوجوان نسل کو اپنے ملک، آزادی اور اداروں کے خلاف ورغلایا جا رہا ہے۔ انہوں نے اس بات پر زور دیا کہ جیسے 1947 میں ایک قوم نے ایمان، اتحاد اور اتفاق کے ساتھ محنت کر کے ایک مضبوط ملک حاصل کیا، ہمیں بھی آج اسی جذبے اور اتحاد کی ضرورت ہے۔انہوں نے وزیراعظم پاکستان میاں محمد شہباز شریف، بیرسٹر گوہر، چیئرمین پی ٹی آئی، چیئرمین پیپلز پارٹی بلاول بھٹو زرداری، مولانا فضل الرحمن، جمیعت اسلام اور تمام پاکستانیوں سے اپیل کی کہ وہ اپنے شعبے، مذہب یا سیاسی وابستگی سے قطع نظر، ایمان پاکستان تحریک کا حصہ بنیں اور اپنے ملک کی حفاظت میں اپنا کردار ادا کریں۔محترمہ فرح عظیم شاہ نے کہا کہ ایمان پاکستان تحریک نے ہمیشہ ملک کی اہمیت کو اولین ترجیح دی ہے، پرچم کو سربلند رکھا ہے اور آئندہ رکھے گا