لاہور ( نمائندہ خصوصی) وزیراعلیٰ پنجاب مریم نوازشریف کی ہدایت پر عوامی شکایات کے فوری ازالے کے لئے کھلی کچہریوں کا انعقاد کیاگیا۔لاہور میں پہلی کھلی کچہری آج ٹاؤن ہال ایم ایل سی آفس مال روڈ لاہور میں ہوگی۔وزیراعلیٰ پنجاب کی ہدایت پر چیئرپرسن کمپلین سیل صائمہ فاروق صبح10بجے سے دوپہر 12بجے تک عوامی شکایات سنیں
گی۔کھلی کچہری میں 8سرکاری محکموں کے سربراہان بھی موجودہوں گے۔کھلی کچہری میں کمشنر لاہور مریم خان،ڈی جی ایل ڈی اے طاہر فاروق،ڈپٹی کمشنر لاہورکیپٹن ریٹائرڈ علی اعجاز،ایڈیشنل ڈپٹی کمشنرریونیو لاہورکریم داد چغتائی موجود ہوں گے۔کھلی کچہری میں ایم ڈی واسا غفران احمد،ڈی جی ستھرا پنجاب بابر صاحب دین،سی ای او ہیلتھ ڈاکٹر آصف ارباب خان نیازی اورایس ایس پی آپریشنز توقیر نعیم بھی شریک ہوں گے۔ کھلی کچہری میں عوام کی پیش کردہ شکایات پر موقع پر احکامات جاری ہوں گے۔

