پاکستان امن کا معمار ہے ، معرکہ حق میں پاکستان کو عظیم فتح ملی، اسحاق ڈار

واشنگٹن(نمائندہ خصوصی):نائب وزیراعظم و وزیر خارجہ سینیٹر محمد اسحاق ڈار نے کہا ہے کہ پاکستان امن کا معمار ہے،امریکی وزیر خارجہ مارکوروبیو کے ساتھ خوشگوار ماحول میں ملاقات ہوئی،47 سال بعد امریکہ اور ایران کے درمیان براہ راست مذاکرات ممکن ہوئے،عالمی افق پر وزیراعظم شہباز شریف اور فیلڈ مارشل سیّد عاصم منیر کی قیادت سے نئی شناخت ملی،وزیراعظم کے دورہ چین کے دوران بی ٹو بی تاریخی معاہدے ہوئے۔جمعہ کو یہاں پریس کانفرنس سے خطاب کرتے ہوئے انہوں نے کہا کہ معرکہ حق میں پاکستان کو عظیم فتح ملی،وزیراعظم کی چین میں سرمایہ کاروں سے ملاقاتیں ہوئیں ،وزیراعظم شہباز شریف بیرونی سرمایہ کاری کے لئے پرعزم ہیں،بیرونی سرمایہ کاروں کے لئے سازگار ماحول فراہم کر رہے ہیں،وزیراعظم کے دورہ چین کے دوران بی ٹو بی تاریخی معاہدے ہوئے۔انہوں نے کہا کہ کشمیری عوام کو اقوام متحدہ کی قراردادوں کے مطابق حق ملنا چاہیے،فلسطین کے حوالے سے پاکستان اپنے اصولی مؤقف پر قائم ہے۔انہوں نے کہا کہ پاکستان امن کا معمار ملک ہے، امریکی وزیر خارجہ مارکوروبیو سے ملاقات میں پاکستان کے سفیر اور دفتر خارجہ کے دیگر حکام شامل تھے،مارکوروبیو کے ساتھ خوشگوار ماحول میں ملاقات ہوئی۔انہوں نے کہا کہ عالمی افق پر وزیراعظم شہباز شریف اور فیلڈ مارشل سیّد عاصم منیر کی قیادت سے نئی شناخت ملی۔انہوں نے کہا کہ عالمی سطح پر تیل کی قیمتوں میں اضافے کے باعث وزیراعظم کی کوشش رہی کہ عوام پر کم بوجھ پڑے۔ انہوں نے کہا کہ 47 سال بعد امریکہ اور ایران کے درمیان براہ راست مذاکرات ممکن ہوئے،امریکا اور ایران کے درمیان پہلی جنگ بندی پاکستان کی کوششوں سے ہوئی ،پاکستان نے صورتحال میں بہتری کے لئے سفارتی روابط تیز کئے رکھے،اس بار بھی جنگ بندی پاکستان کی کاوشوں سے ہی ممکن ہوئی۔