گلگت۔(نمائندہ خصوصی)اسماعیلی کمیونٹی کے روحانی پیشوا شہزادہ رحیم الحسینی آغا خان کی آمد پر گلگت ایئرپورٹ پر شایانِ شان استقبال کیا گیا۔ ایئر پورٹ پرنگران وزیراعلیٰ گلگت بلتستان اور دیگراعلیٰ سول وعسکری حکام 
نے پرنس رحیم آغا خان کا استقبال کیا۔ تقریب میں عمائدین اورمختلف شعبہ ہائے زندگی سے تعلق رکھنے والی نمایاں شخصیات کی بھی شرکت کی۔شہزادہ رحیم الحسینی آغا خان کی گلگت آمد سےعوامی حلقوںبالخصوص اسماعیلی برادری میں جوش و خروش کی فضا دیکھنے میں آئی۔ گلگت بلتستان شہر کے مختلف مقامات پر خیرمقدمی بینرز اور استقبالی پیغامات آویزاں کیے گئے۔عوام نے اپنے روحانی پیشوا کی آمد کو ایک تاریخی اور یادگار موقع قرار دیتے ہوئے مسرت کا اظہار کیا۔
