کیلاش قبیلے کا سالانہ مذہبی تہوار "چیلم جوشٹ "اپنی تمام تر رعنائیوں کے ساتھ اختتام پذیر ڈسٹرکٹ پولیس آفیسر لوئر چترال رفعت اللہ خان کا فیسٹیول میں خصوصی شرکت

کیلاش( نمائندہ خصوصی)چترال کے وادی کیلاش کا قدیم اور مذہبی تہوار چیلم جوشٹ آج بمبوریت میں اختتام پذیر ہوا جس کے آخری روز کے تقریبات میں ڈسٹرکٹ پولیس آفیسر لوئر چترال رفعت اللہ خان نے خصوصی طور پر شرکت کی، بمبوریت پہنچنے پر علاقہ معززین اور کیلاش کمیونٹی کے رہنماوں نے معزز مہمان کا استقبال کیا ۔اس موقع پر دیگر پولیس آفسران بھی ان کے ہمراہ موجود تھے ،ڈی۔پی۔او لوئر چترال نے تہوار کی مناسبت سے کئی تقریبات دیکھے اور ان میں دلچسپی کا اظہار کیا۔ڈی۔پی۔او لوئر چترال نے فیسٹیول کے دوران کئے گئے سکیورٹی انتظامات کا تفصیلی جائزہ لیا اور لوئر چترال پولیس کی جانب سے سیاحوں کو دی جانے والے سہولیات پر اطمینان کا اظہار کیا۔فیسٹیول کے دوران لوئر چترال پولیس کی جانب سے سکیورٹی کے سخت انتظامات کئے گئے تھے جبکہ ملکی اور غیر ملکی سیاحوں کی رہنمائی اور سہولیات دینے کی خاطر پولیس نے ٹورسٹ فیسلٹیشین سنٹرز بھی قائم کئے تھے۔ٹریفک کی روانی کو برقرار رکھنے اور اور سیاحوں کی مدد کے لئے مختلف مقامات پر ٹریفک پولیس وارڈنز بھی خدمات انجام دے رہے تھے۔