جنرل آفیسر کمانڈنگ مری کا آزاد کشمیر کے مختلف علاقوں کا دورہ، گزشتہ سال بھارتی جارحیت سےشہید ہونےوالوں کےاہلخانہ سےملاقات

مری۔(نمائندہ خصوصی):جنرل آفیسر کمانڈنگ (جی او سی) مری نے معرکہ حق کے ایک سال مکمل ہونے پر آزاد کشمیر کے مختلف علاقوں کا دورہ کیا اور گزشتہ سال بلااشتعال بھارتی جارحیت سےشہید ہونےوالوں کےاہلخانہ سےملاقات کی۔ تفصیلات کے مطابق جی او سی مری نے شہید محمد یعقوب مغل کےاہلخانہ سےمظفرآباد میں ملاقات کر کے اظہار تعزیت کی ۔جی او سی مری نے کہا کہ وطنِ عزیزکی سلامتی اوربقاء ان شہدا کی لازوال قربانیوں کی ہی مرہونِ منت ہے۔ جی اوسی مری کے علاوہ مقامی کمانڈرز نے بھی شہدا کے اہلخانہ سے ملاقات کر کے بلند حوصلے،صبر اور استقامت کوسراہا۔ مقامی کمانڈرز نے کوٹلی میں شہید خاتون کنیزبیگم اور باغ میں شہید اسامہ عشرت کے اہلِخانہ سے ملاقات اور فاتحہ خوانی کی ۔ شہداکے اہلِخانہ نے افواجِ پاکستان کی جانب سے محبت،تعاون اور دلجوئی کے جذبے پرتشکرکا اظہار کیا ۔