کوئٹہ ( نمائندہ خصوصی)معرکہ حق کی کامیابی نے دنیا بھر میں پاکستان کی ساکھ میں اضافہ کیا ہے۔ آج دنیا بھر میں پاکستان کا جو مثبت امیج ہے ،یہ معرکہ حق کے مرہون منت ہے۔ آپریشن بنیان مرصوص کے دوران ہماری مسلح افواج نے جس پیشہ ورانہ مہارت، بہادری اور تزویراتی صلاحیتوں کے ساتھ ہندوستان کا مقابلہ کیا، وہ پوری قوم کے لیے باعث فخر ہے۔ آج ہر محب وطن پاکستانی سر اٹھا کر چل رہا ہے،ان خیالات کا اظہار رکن بلوچستان اسمبلی ۔بلوچستان نیشنل پارٹی ویمن ونگ کی سربراہ ۔اور ایمان پاکستان ٹرسٹ کی چئرپرسن محترمہ فرح عظیم شاہ معرکہ حق کی پہلی سالگرہ پر میڈیا سے گفتگو کرتے ہوئے کیا ۔رکن بلوچستان اسمبلی محترمہ فرح عظیم شاہ نے کہا کہ پاکستان کی حالیہ سفارتی اور دفاعی کامیابیوں نے دنیا میں ملک کا وقار بلند کیا ہے ،اسلام آباد میں امن مذاکرات کی میزبانی پاکستان کی ایک بڑی سفارتی فتح تھی جس سے عالمی سطح پر ملک کا موقف مزید مستحکم ہوا ہے۔محترمہ فرح عظیم شاہ 
نے کہا کہ 10 مئی پاکستان کی قومی تاریخ کا ایک قابل فخر اور تاریخی موڑ قرار دیا ہے۔’ اللہ تعالیٰ نے پاکستان کو گزشتہ سال معرکہ حق میں شاندار فتح سے نوازا تھا اور اس عظیم اعزاز پر اللہ تعالیٰ کا شکر ادا کرنے کے لیے جتنی بھی شکر گزاری ہو سکتی ہے۔انہوں نے کہا کہ معرکہ حق ہماری قومی تاریخ میں ایک اہم مقام رکھتا ہے۔اس نے اتحاد، عزت اور وقار کے لیے ہماری پوری قوم کی گہری خواہش کو پورا کیا، اس خواہش کو اللہ نے اس تاریخی لمحے کے ذریعے پورا کیا۔ محترمہ فرح عظیم شاہ نے کہا جیت کا سہرا وزیر اعظم شہباز شریف کی وژنری قیادت اور فیلڈ مارشل جنرل عاصم منیر کی جرات مندانہ اسٹریٹجک سوچ کو دیتے ہوئے کہا کہ ان کی قیادت میں اللہ تعالیٰ نے قوم کو یہ فاتحانہ دن نصیب کیا۔انہوں نے اس اہم لمحے کے دوران افواج پاکستان اور پاکستانی عوام کے بے مثال اتحاد کو مزید اجاگر کیا۔ انہوں نے کہا کہ ہماری قوم اور ہماری افواج کندھے سے کندھا ملا کر کھڑی ہیں معرکۂ حق قومی وقار، اتحاد اور ثابت قدم ایمان کی علامت ہے، جبکہ وطن کی عزت اور سلامتی کے لیے دی جانے والی قربانیاں ہمیشہ آنے والی نسلوں کے لیے مشعلِ راہ رہیں گی محترمہ فرح عظیم شاہ نے کہا کہ قوم اپنے ان ہیروز کو خراجِ تحسین پیش کرتی ہے جن کی بہادری اور عزم نے ہر چیلنج کے مقابلے میں حق اور سچائی کو سربلند رکھا۔انہوں نے زور دیا کہ پاکستان کی اصل طاقت اتحاد، حب الوطنی اور امن، ترقی اور خوشحالی کے لیے اجتماعی عزم میں مضمر ہے۔ محترمہ فرح عظیم شاہ نے مزید کہا کہ پاکستان کی جو عزت اور وقار ہے وہ ہماری مسلح افواج کی قربانیوں سے حاصل ہوا ہے۔ پاکستانی پاسپورٹ آج بیرون ملک مقیم پاکستانیوں کے لیے ’’فخر کا پاسپورٹ‘‘ بن گیا ہے ، یہ تبدیلی معرکہ حق کی عظیم فتح سے ممکن ہوئی ہے۔
معرکہ حق: پاکستان کی سیاسی اور عسکری قیادت نے” آپریشن بنیان مرصوص” میں بہادری کے ساتھ بھارت کو عبرتناک شکست دے کر قوم کو یہ عظیم فتح دی : محترمہ فرح عظیم شاہ
10 مئی پاکستان کی قومی تاریخ کا ایک قابل فخر اور تاریخی موڑ قرار دیا ہے۔’ اللہ تعالیٰ نے پاکستان کو گزشتہ سال معرکہ حق میں شاندار فتح سے نوازا تھا اور اس عظیم اعزاز پر اللہ تعالیٰ کا شکر ادا کرنے کے لیے جتنی بھی شکر گزاری ہو سکتی ہے۔ معرکہ حق ہماری قومی تاریخ میں ایک اہم مقام رکھتا ہے۔اس نے اتحاد، عزت اور وقار کے لیے ہماری پوری قوم کی گہری خواہش کو پورا کیا، رکن بلوچستان اسمبلی کا خصوصی پیغام
