وفاقی وزیرداخلہ محسن نقوی کا نادرا سنٹر شملہ پہاڑی کا اچانک دورہ

لاہور۔(نمائندہ خصوصی):وفاقی وزیرداخلہ محسن نقوی نے 24/7 نادرا سنٹر شملہ پہاڑی کا اچانک دورہ کیا۔ وزارت داخلہ کے مطابق وزیر داخلہ محسن نقوی نے سینٹر میں بے پناہ رش اور اے سی کی بندش پر برہمی کا اظہار کیا اور سنٹر پر سہولتیں بہتر کرنے کا حکم دیا۔انہوں نے سنٹر میں موجود شہریوں سے شناختی کارڈز اور دیگر دستاویزات کے عمل کے بارے میں بھی پوچھا۔ وزیرداخلہ نے مختلف کاونٹرز پر جاکر شہریوں سے ملاقات کی اور مسائل دریافت کئے۔ وزیرداخلہ محسن نقوی نے رش کو بہتر طریقے سے مینج کرنے کا حکم دیتے ہوئے کہا کہ نادرا سنٹر شملہ پہاڑی پہلے بھی وزٹ کر چکا ہوں، صورتحال بہتر تھی لیکن آج شہریوں کا فیڈ بیک اچھا نہیں ملا ۔محسن نقوی نے واضح کیا کہ شہریوں کو تیز رفتار خدمات کی فراہمی پر کوئی سمجھوتہ نہیں ہو گا ۔وفاقی وزیرداخلہ محسن نقوی نے شہریوں کے مسائل کے حل کیلئے موقع پر ہی احکامات جاری کئے۔