کراچی۔(نمائندہ خصوصی):صدر وائس آف سندھ معروف براڈ کاسٹر ڈاکٹر محمد عمیر ہارون نے کہا ہے کہ پاکستان کی مسلح افواج وطن کی سلامتی اور دفاعِ پاکستان کیلئے ہمہ وقت مستعد اور تیار ہیں، پیشہ ورانہ صلاحیتوں اور استعداد میں اضافہ کرکے دفاع وطن کو مزید مستحکم بنانے اور دشمن کی کسی بھی مہم جوئی کا منہ توڑجواب د ینے کیلئے پرعزم ہیں۔معرکہ حق کا ایک سال مکمل ہونے پر اے پی پی سے گفتگو کرتے ہوئے ڈاکٹر محمد عمیر ہارون نے کہا کہ ہماری مسلح افواج دشمن کی ناپاک سازشوں کو خاک میں ملانے کیلئے پوری طرح تیار ہیں۔ انہوں نے کہا کہ جنگی محاذوں پر پاک فوج کی پیشہ ورانہ مہارت، جدید ترین ہتھیاروں سے آراستگی اور دشمن کو دندان شکن جواب دینے کی ہمہ وقت تیاری اس بات کا واضح ثبوت ہے کہ ہمارا دفاع ناقابلِ تسخیر ہے۔ ڈاکٹر محمد عمیر ہارون نے کہا کہ پاک فوج ہر گزرتے دن کے ساتھ اپنی دفاعی استعداد کو جدید ٹیکنالوجی، تحقیق و ترقی اور بین الاقوامی معیارات کے مطابق مزید 
مضبوط اور موثر بنا رہی ہے۔انہوں نے ہنگور کلاس آبدوز کی پاک بحریہ میں شمولیت کو ایک اہم سنگ میل قرار دیتے ہوئے کہا کہ یہ منصوبہ پاکستان کی بحری سرحدوں کے تحفظ اور خطے میں طاقت کے توازن کو مزید مستحکم، ملکی سمندری حدود اور اقتصادی زون کے تحفظ کو مزیدموثر بنائے گا۔ انہوں نے کہا کہ قریب ایک سال قبل،28 اپریل2025 کو پاکستان نے اپنے فتح۔II میزائل سسٹم کا پہلا بڑا کامیاب تجربہ کیا تھا۔نی تکنیکی بالادستی، سائنسی مہارت اور دفاعی خودکفالت کا پیغام دیا ہے۔ ڈاکٹر محمد عمیر ہارون نے مزید کہا کہ اس مختصر عرصے میں اس میزائل سسٹم کو مزیددرست نشانہ زنی اور بہتر صلاحیتوں سے آراستہ کرنا ہمارے ماہر سائنسدانوں، انجینئرز اور پاک فوج کے بہادر جوانوں کے غیر متزلزل عزم، محنت اور لگن کا منہ بولتا ثبوت ہے۔انہوں نے کہا کہ فتحII میزائل سسٹم،جدید گائیڈنس ٹیکنالوجی، اعلی درجے کی درستگی اور متنوع اہداف کو نشانہ بنانے کی صلاحیت رکھتا ہے۔ انہوں نے کہا کہ اس میزائل کی کامیاب تیاری نہ صرف پاکستان کی دفاعی صلاحیتوں میں اضافے کا ذریعہ ہے بلکہ خطے میں امن و استحکام کے قیام کی جانب بھی ایک اہم قدم ہے۔انہوں نے کہا کہ پاکستان کا دفاعی نظریہ ہمیشہ سے امن پسندانہ رہا ہے، تاہم ہماری مکمل تیاریاں اس بات کی ضمانت ہیں کہ اگر کوئی قوت ہمارے خلاف ناپاک عزائم رکھے گی تو اسے تاریخ میں ہمیشہ یاد رکھے جانے والا منہ توڑ جواب ملے گا۔
پاک فوج اپنی دفاعی استعداد کو جدید ٹیکنالوجی، تحقیق و ترقی، بین الاقوامی معیارات کے مطابق مزید مضبوط اور موثر بنا رہی ہے، ڈاکٹر محمد عمیر ہارون
