اسلام آباد۔( نمائندہ خصوصی) اسپیکر قومی اسمبلی سردار ایاز صادق نے فتح-II میزائل کے کامیاب تجربے پر مسلح افواج، سائنسدانوں، انجینئرز اور قوم کو مبارکباد دی ہے ۔ منگل کو اپنے تہنیتی پیغام میں انہوں نے مسلح افواج، سائنسدانوں اور انجینئرز کو خراج تحسین پیش کرتے ہوئے مسلح افواج، انجینئرز، سائنسدانوں کیلئے نیک خواہشات کا اظہار کیا اور کہا کہ فتح-II میزائل کا کامیاب تجربہ جدید تکنیکی مہارت اور بڑھتی ہوئی دفاعی خود انحصاری کا
واضح مظہر ہے۔ انہوں نے کہا کہ فتح سیریز کے میزائلوں کے کامیاب تجربات پاکستان کے دفاع کو ناقابلِ تسخیر بنانے کی جانب ایک اہم سنگِ میل ہے،مسلح افواج کے کامیاب تجربات دشمن کے ناپاک عزائم کے خلاف مؤثر دفاع کی ضمانت ہیں۔ انہوں نے پاکستانی سائنسدانوں اور انجینئرز کی انتھک محنت، لگن اور غیر معمولی صلاحیتوں کو ستائش کی اور پاکستانی سائنسدان اور انجینئرز جدید ٹیکنالوجی کی مدد سے ملکی دفاع کو مسلسل مضبوط بنا رہے ہیں جو قابلِ فخر ہے۔انہو ں نے کہا کہ پوری قوم مسلح افواج، سائنسدانوں اور انجینئرز کی شبانہ روز محنت اور پیشہ وارانہ عزم کی معترف ہے،پاکستان ہر قسم کے خطرات سے نمٹنے کی بھرپور صلاحیت رکھتا ہے۔
سپیکر قومی اسمبلی سردار ایاز صادق کی فتح-II میزائل کے کامیاب تجربے پر مسلح افواج، سائنسدانوں، انجینئرز اور قوم کو مبارکباد
