کوئٹہ ( نمائندہ خصوصی)نوکنڈی حملے میں ملوث بی ایل ایف کی خاتون خودکش بمبار کی سہولت کار رحیمہ بی بی کو گرفتار کر لیا گیا۔\یہ خاتون رحیمہ بلوچ ہے،اس کا خاوند بی ایل اے کے لئے کام کرتا تھا،اپنی بیوی کو استعمال کیا،بیوی کے نام پر سِم نکلوائی،فون لیکر دیا اور اُس فون سے دہشتگردوں سے رابطے جاری رکھے۔سہولت کاری کرتا رہا،ایک خاتون خودکش حملہ آور کو اپنے گھر پر پناہ دی،افغانستان لیکر گیا،وہاں حملے کی تیاری کرائی۔
پھر اُسی خاتون کو نوشکی میں ایف سی ہیڈکوارٹر پر حملے کے لئے استعمال کیا گیا۔اُس خودکش حملہ آور خاتون کا نام زرینہ تھا۔حملے کے بعد اِس خاتون کا شوہر افغانستان فرار ہوگیا،اپنی بیوی کے بھائی کو کہا کہ میری بیوی کو افغانستان فرار کرادو۔اداروں کے ریڈار پر آگئے،اور افغانستان فرار کی کوشش میں ناکام ہوئے،ریاستی اداروں نے گرفتار کرلیا اور آج رحیمہ نے بی ایل اے کی سہولت کاری کا اعتراف اپنی زبان سے خود کیا ہے۔دہشتگردوں کی سہولت کار اسی خاتون کے لئے بلوچ یکجہتی کمیٹی مہم چلاتی رہی،معصوم قرار دیکر ریاست مخالف بیانیہ بنایا جاتا رہا،لیکن حقیقت بلوچ عوام کے سامنے کھل کر آچکی ہے۔جتنی بھی خاتون خود کش حملہ آور نکلتی ہیں ان کے پیچھے بلوچ یکجہتی کمیٹی کا نام ضرور گونجتا ہے۔
کوئٹہ: نوکنڈی حملے میں ملوث بی ایل ایف کی خاتون خودکش بمبار کی سہولت کار رحیمہ بی بی گرفتار
