وزیرِاعظم یوتھ پروگرام کی فوکل پرسن افنان اسماعیل کا نیشنل پریس کلب اسلام آباد کا دورہ

اسلام آباد۔( نمائندہ خصوصی):وزیرِاعظم یوتھ پروگرام کی فوکل پرسن افنان اسماعیل نے اتوار کو نیشنل پریس کلب اسلام آباد کا دورہ کیا اور نیشنل پریس کلب کے صدرعبدالرزاق سیال، سیکرٹری ڈاکٹر فرقان راؤ، فنانس سیکرٹری عابد عباسی سمیت پوری نومنتخب قیادت کو مبارکباد پیش کی۔اس موقع پر این پی سی کی قیادت نےافنان اسماعیل کو نیشنل پریس کلب کا دورہ کرایا اور اس حوالےسے انہیں مکمل بریف کیا۔ افنان اسماعیل نے این پی سی کی قیادت کو مبارکباد دیتے ہوئے کہا کہ انکی کامیابی صحافی برادری کی طرف سے ان پر اعتمادکا اظہارہےاب ان کے کندھوں پر صحافیوں کی فلاح و بہبود کیلئے کام کرنے کی بھاری ذمہ داری ہے ، امید ہے کہ این پی سی کی نو منتخب قیادت اپنی ان ذمہ داریوں سے بطریق احسن عہدہ برا ہو گی۔انہوں نے نیشنل پریس کلب کی قیادت کو اپنے مکمل تعاون کا یقین دلایا اور پریس کلب کیساتھ ملکرمرد و خواتین صحافیوں کیلئےڈیجیٹل لٹریسی کے حوالے سے ورکشاپس کرانے کا بھی اعلان کیا۔اس موقع پر این پی سی کے صدر عبدالرزاق سیال اورسیکرٹری ڈاکٹر فرقان راؤ نےوزیرِاعظم یوتھ پروگرام کی فوکل پرسن افنان اسماعیل کا پریس کلب آمد پر شکریہ ادا کیا۔