صدر مملکت آصف علی زرداری سے گورنر سندھ نہال ہاشمی کی ملاقات ، مجموعی سیاسی صورتحال اورسندھ سے متعلق امور پر تبادلہ خیال

اسلام آباد۔( نمائندہ خصوصی):صدر مملکت آصف علی زرداری سے گورنر سندھ نہال ہاشمی نے ایوانِ صدر میں ملاقات کی۔بدھ کو ایوان صدر کے پریس ونگ سے جاری بیان کے مطابق ملاقات میں مجموعی سیاسی صورتحال بالخصوص سندھ سے متعلق امور پر تبادلہ خیال کیا گیا۔صدرِ مملکت نے اس بات پر زور دیا کہ صوبے میں مؤثر طرزِ حکمرانی اور عوامی فلاح و بہبود کو یقینی بنانے کے لئے عملی اقدامات کئے جائیں۔صدر آصف علی زرداری نے گورنر سندھ کو ہدایت کی کہ وہ صوبائی حکومت اور دیگر سماجی، سیاسی اور کاروباری تنظیموں کے ساتھ مل کر کام کریں تاکہ صوبے میں وفاقی حکومت کے وژن اور عوامی توقعات کی مکمل عکاسی کی جا سکے۔