پنجاب میں پہلی مرتبہ پھلوں، سبزیوں اوردیگر اشیا کے نرخ کم ترین سطح پر رہنے کاریکارڈ،وزیراعلی مریم نواز کا اظہار تشکر،ٹیم کو شاباش

لاہور ( نمائندہ خصوصی) پنجاب میں پہلی مرتبہ پھلوں، سبزیوں اوردیگر اشیائے خوردونوش کے نرخ کم ترین سطح پر رہنے کاریکارڈقائم ہو گیا- وزیراعلی مریم نوازشریف نے پنجاب سہولت بازار اتھارٹی ٹیم کو مبارکباداور شاباش بھی دی-سہولت بازاروں میں 4کروڑ شہریوں نے 3کروڑ 69لاکھ 30 ہزار کلو گرام اشیائے خورد ونوش کا منفرد ریکارڈ قائم کیا-اوپن مارکیٹ سے 40فیصد تک کم نرخ پر سبزیوں، پھلوں اوراشیائے خورد و نوش فراہم کی گئی-عوام نے سہولت بازار وں میں خریداری کر کے ایک ماہ میں ایک ارب 10کروڑ روپے بچا لئے- ڈی سی ریٹ سے18فیصد تک کم نرخ پرخریداری سے عوام کو ایک ماہ میں 73 کروڑ روپے کی بچت ہوئی-سہولت بازاروں میں رمضان المبارک کے دوران عوام کوسستی اور معیاری اشیا کی فراہمی کاہدف کامیابی سے مکمل ہوا ہے -پنجاب سہولت بازار اتھارٹی کے زیر اہتمام صوبہ بھر میں 49سہولت بازار، 20سہولت آن دی گو اور11عارضی بازار وں سمیت 80 بازار عوام کی سہولت کے لئے قائم کئے گئے- 80 بازاروں میں 40لاکھ سے زائد خریداروں کی آمد ایک ریکارڈہے-رمضا ن المبارک کے دوران وزیراعلی مریم نوازشریف کی ہدایت پر کم نرخ پر 29لاکھ 30ہزار کلو گرام آٹا فروخت ہوا-آٹے کے نرخ میں ڈی سی ریٹ سے 7.2فیصد تک رعایت ایک ماہ میں آٹے کی خریداری پر عوام کو 18 کروڑ روپے کی بچت ہوئی-اوپن مارکیٹ کے تناسب سے آٹے کے نرخ میں 13.5فیصد تک کمی ہوئی- اوپن مارکیٹ کے تناسب سے عوام کو آٹے کی خریداری پر ساڑھے 32کروڑ روپے کی بچت ہوئی- موبائل اپیلی کیشن کے ذریعے 37ہزار سے زائد آرڈرموصول ہوئے- پی ایس بی اے فری ہوم ڈلیوری ایپ سروس کے ذریعے سبزیوں، پھلوں وغیرہ کے 37ہزار سے زائد آرڈرز کی ڈلیور ی ہوئی-عوام کو اضافی چارجز کے بغیر اشیائے خورد و نوش فراہم کی گئیں -فری ہوم ڈلیوری سروس کے ذریعے خریداری پر عوام نے 13کروڑ 11لاکھ روپے بچا لئے-ڈی سی ریٹ کے تناسب سے سہولت بازار میں بھی 35فیصد بچت ہوئی-پنجاب سہولت بازار اتھارٹی کے تحت80بازاروں میں 1763سٹال قائم کئے گئے -سہولت بازار وں میں 886 راشن کارڈ اور 3778 نگہبان رمضان کارڈ بھی خریداری کے لئے استعمال ہوئے-عوام کی سہولت کے لئے سہولت بازاروں میں 125کیش لیس ایجنڈ سنٹر بھی قائم کئے گئے- وزیراعلی مریم نوازشریف کی ہدایت پر سہولت بازاروں میں اشیائے خورد و نوش کے معیار اور بہتر نرخ کے لئے ڈیجیٹل مانیٹرنگ اور وزٹ بھی کئے گئے – پہلی مرتبہ اشیائے خورد ونوش کی خریداری میں عوامی شکایات کے فوری ازالے کے لئے خریداروں سے ڈائریکٹ فیڈبیک کا سسٹم بھی نافذ کیا گیا-وزیراعلی مریم نوازشریف نے چیئرمین پی ایس بی اے افضل کھوکھر اوران کی ٹیم کی کاکارکردگی کو سراہا -وزیراعلی مریم نواز شریف نے کہاکہ دن رات محنت کر کے عوام کو سستے ترین نرخ پر پھلوں، سبزیوں اور دیگر اشیائے خورد و نوش کی فراہمی یقینی بنانے پر پی ایس بی اے ٹیم کو خراج تحسین پیش کرتی ہوں -سہولت بازار کے موثرمیکانزم کے زیر اثر اوپن مارکیٹ میں مہنگائی کاتناسب بہت کم رہا- وزیراعلی مریم نوازشریف نے کہاکہ عوام کو سستی اور معیاری اشیائے خورد ونوش کی فراہمی کے لئے حکومت پنجاب کا عزم غیر متزلزل ہے – پی ایس بی اے کا 2026 رمضان آپریشن پبلک سروس ڈلیوری کا مثالی ماڈل بن چکاہے -عام آدمی کو معیاری اشیاء کی کنٹرول نرخ پرفراہمی قابل قدر کاوش ہے- وزیراعلی مریم نوازشریف نے پرائس کنٹرول کے لئے وزراء، صوبائی معاونین اور ڈسٹرکٹ انتظامیہ کی کاوشوں کو بھی سراہا-