وزیراعلی مریم نواز شریف کی بس سٹینڈ،تجارتی مراکز اور مارکیٹوں کی فول پروف سکیورٹی انتظامات کی ہدایت

لاہور ( نمائندہ خصوصی) وزیراعلی پنجاب مریم نواز شریف نے بس سٹینڈ، تجارتی مراکز اور مارکیٹوں کی فول پروف سکیورٹی انتظامات کی ہدایت کی ہے- چاند رات پر بازاروں میں اضافی نفری تعینات کرنے کا حکم دیاہے- ہراسانی کے واقعات کے سدباب کیلئے بازاروں میں ویمن پولیس سکواڈ کے گشت کی ہدایت کی -بازاروں میں خواتین اور بچوں کے ساتھ ہراسانی کے واقعات سے تحفظ ہر صورت یقینی بنانے کا حکم دیا- وزیراعلی مریم نوازشریف نے بازاروں اور مارکیٹوں میں نگرانی کے لئے ڈرون کیمروں اور رات میں نائٹ ویژن دوربین استعمال کرنے کی ہدایت کی اورچاند رات پر روڈز پر ون ویلنگ کی روک تھام کے لئے کڑی نگرانی کا حکم دیا- وزیراعلی مریم نوازشریف نے اے ٹی ایم اور بینکوں کے اطراف میں سکیورٹی اور گشت بڑھانے کی ہدایت کی- پولیس اور ٹرانسپورٹ حکام کووین اڈے اوربس سٹینڈ پر مسلسل مانیٹرنگ کی ہدایت کی-بس اور وین کی ونڈ سکرین پر مقررہ کرایہ نامہ آویزاں کرنے کی ہدایت کی-