لاہور ( نمائندہ خصوصی) وزیراعلی پنجاب مریم نوازشریف نے اسلامو فوبیا کے خلاف عالمی دن پراپنے پیغام میں کہاہے کہ اسلامو فوبیا کی وجہ سے مسلمانوں کے ساتھ ناروا اور امتیازی سلوک روا رکھا جاتا ہے، اسلامو فوبیا قابل مذمت ہے۔وزیراعلی مریم نواز شریف نے کہاکہ اسلامو فوبیا ہی ہے کہ فلسطین اور کشمیر میں معصوم مسلمان ظلم و جبر کا شکار ہو رہے ہیں۔ 
اسلام پُر امن دین ہے اور مسلمان امن پر یقین رکھتے ہیں۔ اسلام ہی وہ دین ہے جس نے بنیادی انسانی حقوق کی ضمانت دی۔وزیراعلی مریم نوازشریف نے کہاکہ اسلامو فوبیا کی روک تھام کے لئے اقدار کو مثبت انداز میں پیش کرنے کی ضرورت ہے۔مسلم ممالک کو آپس کی نااتفاقی ختم کر کے اتحاد کی علامت بننا چاہیئے۔وزیراعلی مریم نواز شریف نے کہاکہ اسلامی اقدار پر عمل اور ہمارا انفرادی طرز عمل اسلامو فوبیا کو مات دینے میں بہت اہم کردار ادا کر سکتا ہے۔ اسلامو فوبیا کے خلاف عالمی دن پر ہمیں بردباری برداشت اور تحمل کاعہد کرنا ہے۔عالمی سطح پراسلامو فوبیا کے خاتمے کے لیے مزید کوششوں کی ضرورت ہے۔
اسلامو فوبیا کی وجہ سے مسلمانوں کے ساتھ ناروا اور امتیازی سلوک روا رکھا جاتا ہے:مریم نوازشریف
اسلامو فوبیا ہی ہے کہ فلسطین اور کشمیر میں معصوم مسلمان ظلم و جبر کا شکار ہو رہے ہیں، اسلام پُر امن دین ہے اور مسلمان امن پر یقین رکھتے ہیں مسلم ممالک کو آپس کی نااتفاقی ختم کر کے اتحاد کی علامت بننا چاہیئے، اسلامی اقدار پر عمل اور ہمارا انفرادی طرز عمل اسلامو فوبیا کو مات دینے میں بہت اہم کردار ادا کر سکتا ہے عالمی سطح پراسلامو فوبیا کے خاتمے کے لیے مزید کوششوں کی ضرورت ہے، وزیراعلی مریم نوازشریف کا اسلامو فوبیا کے خلاف عالمی دن پر پیغام
