لاہور:معروف سٹیج اداکارہ دیدار کے شوہر کو گرفتار : اسلام آباد منتقل کر دیا گیا

لاہور ( کرائم رپورٹر)معروف سٹیج اداکارہ دیدار کے شوہر کو انسانی اسمگلنگ اور بیرون ممالک بھرتیوں کے اسکینڈل میں ملوث ہونے پر گرفتار کر لیا گیا، ایف آئی اے اسلام آباد اور ایف آئی اے لاہور نے مشترکہ کارروائی کرتے ہوئے ملزم جہانزیب کو حراست میں لیا۔ کارروائی کے دوران ملزم کے گارڈز کی جانب سے شدید مزاحمت سامنے آئی، انسپکٹر عبداللہ کیانی کی سربراہی میں ٹیم کوملزم کے 8 گارڈز کی جانب سے شدید مزاحمت کا سامنا کرنا پڑا جس پر پنجاب پولیس سے مزید مدد طلب کی گئی۔ملزم کو لاہور سے اسلام آباد منتقل کر دیا گیا، ملزم ایف آئی اے اسلام آباد زون کو مطلوب تھا، ملزم نے بیرون ملک بھرتیوں اور ملازمت کا جھانسہ دیکر ہزاروں لوگوں کو لوٹا تھا،ملزم نے اسلام آباد کے سیکٹر جی الیون میں بھی اپنا آفس بنا رکھا تھا جبکہ لاہور میں یہی دھندہ چلا رہا تھا۔ سٹیج اداکارہ دیدار بھی مبینہ طور پر شوہر کے ساتھ دھندے میں ملوث پائی گئی ہیں جس کے حوالے سے مزید تحقیقات جاری ہیں ، مستقبل قریب میں اہم انکشافات کی توقع کی جارہی ہے۔