حضرت عائشہ صدیقہؓ کی زندگی تقویٰ، عفت اور علمی بلندی کا بہترین شاہکار ہے، حضرت عائشہؓ کی سیرت رہتی دنیا تک مسلمانوں کے لیے مشعلِ راہ رہے گی سعدیہ جاوید

کراچی ( نمائندہ خصوصی)ترجمان سندھ حکومت سعدیہ جاوید نے کہاہے کہ حضرت عائشہ صدیقہؓ کی زندگی تقویٰ، عفت اور علمی بلندی کا بہترین شاہکار ہے، آپؓ نے علمِ دین کی ترویج اور خواتین کی تعلیم و تربیت میں ناقابلِ فراموش کردار ادا کیا، حضرت عائشہؓ کی سیرت رہتی دنیا تک مسلمانوں کے لیے مشعلِ راہ رہے گی۔یومِ فتحِ بدر کے موقع پر ترجمان سندھ حکومت سعدیہ جاوید نےپوری امتِ مسلمہ کو مبارکباد اور شہدائے بدر کو خراجِ تحسین پیش کیاہے۔ انہوں نے کہاہے کہ معرکہِ بدر حق کی فتح اور باطل کی شکست کا وہ عظیم باب ہے جس نے تاریخ بدل دی، جنگِ بدر ہمیں یہ پیغام دیتی ہے کہ اصل طاقت وسائل میں نہیں بلکہ ایمان کی قوت میں ہے، فتحِ بدر مسلمانوں کے اتحاد، نظم و ضبط اور بے مثال شجاعت کی علامت ہے، اسلام کی پہلی فیصلہ کن جنگ کے ذریعے باطل قوتوں کا تکبر خاک میں مل گیا، آج ہمیں درپیش چیلنجز کا مقابلہ کرنے کے لیے جذبہِ بدر اور تعلیماتِ نبویؐ پر عمل کرنا ہوگا۔