ڈی آئی جی آپریشنز فیصل کامران کاناکہ ٹھوکر نیاز بیگ پر جوانوں کے ہمراہ روزہ افطار

لاہور( نمائندہ خصوصی) ڈی آئی جی آپریشنز فیصل کامران نے دوسرا روزہ ناکہ ٹھوکر نیاز بیگ پر اپنے جوانوں کے ہمراہ افطار کیا۔ ایس ایس پی آپریشنز توقیر نعیم بھی اُنکے ہمراہ موجود تھے۔ فیصل کامران نے الرٹ دینے پر جوانوں کو شاباش دی۔ ڈی آئی جی آپریشنزکا اس موقع پر کہنا تھا کہ سحر و افطار ہزاروں پولیس جوان عوام کی حفاظت کے لیے ڈیوٹی پر مامور ہیں۔ ڈیوٹی کو فرض سمجھنے والے جوانوں کے ساتھ افطاری کرنا باعث خوشی ہے۔ انہوں نے کہا کہ لاہور پولیس اپنے شہریوں کے تحفظ کیلئے تمام تر دستیاب وسائل بروئے کارلارہی ہے۔ رمضان المبارک کے سکیورٹی پلان پر من و عن عملدرآمد یقینی بنایا جارہا ہے۔ فیصل کامران نے مزید کہا کہ فیلڈ میں موجود جوانوں کو سحر و افطار میں بہترین کھانا فراہم کر رہے ہیں۔