اسلام آباد۔( نمائندہ خصوصی):صدر مملکت آصف علی زرداری نے کوئٹہ اور بارکھان میں دہشت گردوں کے خلاف کامیاب کارروائیوں پر سی ٹی ڈی بلوچستان کو خراج تحسین پیش کرتے ہوئے کہا ہے کہ ملک سے بیرونی سرپرستی میں ہونے والی دہشت 
گردی کا خاتمہ اولین ترجیح ہے۔بدھ کو ایوان صدر کے پریس ونگ کے مطابق صدر مملکت نے فتنہ الخوارج کے 14 دہشت گردوں کو ہلاک کرنے والے اہلکاروں کی کارکردگی کو سراہا۔ انہوں نے کہا کہ سی ٹی ڈی بلوچستان دہشت گردی کے خلاف وطن عزیز کی حفاظت میں نمایاں کردار ادا کر رہی ہے۔ صدر مملکت نے فائرنگ کے تبادلے میں زخمی ہونے والے سی ٹی ڈی اہلکاروں کی جلد صحت یابی کےلئے دعا بھی کی۔
