وزیرِ اعظم محمد شہباز شریف آج آسٹریا کے دارالحکومت ویانا میں مصروف دن گزاریں گے

اسلام آباد( نمائندہ خصوصی):وزیرِ اعظم محمد شہباز شریف (آج )پیرکوویانا میں مصروف دن گزاریں گے۔ وزیراعظم آفس کے میڈیا ونگ کی طرف سے جاری بیان کے مطابق وزیرِ اعظم آسٹریا کے چانسلر کرسچین سٹاکر سے دو طرفہ و وفود کی سطح پر ملاقات کیلئے آسٹرین چانسلری جائیں گے جہاں وزیرِ اعظم کو گارڈ آف آنر پیش کیا جائے گا۔بعد ازاں وزیرِ اعظم پاکستان آسٹریا بزنس فورم میں شرکت اور خطاب بھی کریں گے۔ وزیرِ اعظم ویانا میں اقوام متحدہ کے تحت منعقدہ ’’پائیدار ترقی، عالمی امن و خوشحالی کا راستہ‘‘کے موضوع پر خصوصی تقریب میں شرکت و خطاب کریں گے۔