وفاقی تحقیقاتی ادارہ لاہور زون کا بڑا اقدام انسانی اسمگلنگ اور ویزا دھوکہ دہی میں ملوث تین ملزمان گرفتار

لاہور: وفاقی تحقیقاتی ادارہ لاہور زون نے انسانی اسمگلنگ اور ویزا دھوکہ دہی میں ملوث عناصر کے خلاف کارروائی کرتے ہوئے تین ملزمان کو گرفتار کر لیا۔ گرفتار افراد میں اسد علی محمد طلحہ اور ساجد حسین شامل ہیں جنہیں لاہور اور شیخوپورہ کے مختلف علاقوں سے حراست میں لیا گیاترجمان کے مطابق ملزم اسد علی نے یونان کے جعلی ویزا پر بیرونِ ملک جاتے ہوئے روکے جانے والے مسافر سے بتیس لاکھ روپے وصول کیے۔ ملزم محمد طلحہ نے شہری کو یونان کے روزگار کے ویزا کا جھانسہ دے کر بیس لاکھ روپے بٹورے جبکہ ملزم ساجد حسین نے ایک شہری سے سعودی عرب کے روزگار ویزا کے نام پر بارہ لاکھ پچاس ہزار روپے ہتھیا لیےترجمان کے مطابق ملزمان شہریوں کو بیرونِ ملک بھجوانے میں ناکام رہے اور رقوم وصول کرنے کے بعد روپوش ہو گئے تھے گرفتار ملزمان کے خلاف مقدمہ درج کر کے مزید تفتیش کا آغاز کر دیا گیا ہے جبکہ ان کے دیگر ممکنہ ساتھیوں کی تلاش بھی جاری ہےوفاقی تحقیقاتی ادارہ نے شہریوں کو ہدایت کی ہے کہ بیرونِ ملک روزگار یا ویزا کے حصول کے لیے صرف مستند اور قانونی ذرائع اختیار کریں تاکہ کسی بھی قسم کی دھوکہ دہی سے محفوظ رہا جا سکے