وفاقی وزیر پارلیمانی امور ڈاکٹر طارق فضل چوہدری کی بنگلہ دیش کے انتخابات میں کامیابی پر بی این پی کے رہنما طارق رحمان کو مبارکباد

اسلام آباد۔( نمائندہ خصوصی):وفاقی وزیر پارلیمانی امور ڈاکٹر طارق فضل چوہدری نے بنگلہ دیش کے پارلیمانی انتخابات میں بنگلہ دیش نیشنلسٹ پارٹی ( بی این پی) کی جیت پر پارٹی کے رہنما طارق رحمان کو مبارکباد پیش کرتے ہوئے نیک خواہشات کا اظہار کیا ہے ۔ جمعہ کو سماجی رابطہ کی ویب سائٹ ایکس پر اپنے ایک تہنیتی پیغام میں انہوں نے بنگلہ دیش کے عوام کو بھی کامیاب انتخابات کے انعقاد پر مبارکباد پیش کی اور اس توقع کا اظہار کیا کہ دونوں ممالک مستقبل میں دو طرفہ تعلقات کو مضبوط بنانے ،جنوبی ایشیا اور اس سے باہر امن، استحکام اور ترقی کے مشترکہ اہداف کو آگے بڑھانے کے لئے مل کر کردار ادا کریں گے۔