اسلام آباد۔( نمائندہ خصوصی):صدر مملکت آصف علی زرداری نے ڈیرہ اسماعیل خان میں پولیس پر ہونے والےدہشت گرد حملے کی مذمت کرتے ہوئے شہداء کو خراج عقیدت پیش کیا ہے ۔بدھ کو ایوانِ صدر کے پریس ونگ سے جاری بیان کے مطابق صدرِ 
مملکت آصف علی زرداری نےحملے میں شہید ہونے والے ایس ایچ او فہیم ممتاز اور دیگر پولیس اہلکاروں کو خراجِ عقیدت پیش کیا۔انہوں نے کہا کہ ملک سے بیرونی سرپرستی میں ہونے والی دہشتگردی کے ناسور کا جڑ سے خاتمہ اوّلین ترجیح ہے۔صدرِ مملکت نے شہداء کے درجات کی بلندی اور اہلِ خانہ کے لیے صبرِ جمیل اورزخمی افسران کی جلد صحت یابی کے لیےدعا کی۔
