لاہور. کوئٹہ ( نمائندہ خصوصی)وزیراعلیٰ پنجاب مریم نواز شریف کوئٹہ پہنچ گئیں۔ گورنر بلوچستان جعفر خان مندوخیل،وزیراعلی بلوچستان سرفراز بگٹی اور صوبائی وزر اء نے وزیراعلیٰ مریم نواز شریف اور پنجاب سے آنیوالے وفد کا خیرمقد م کیا۔ وزیراعلیٰ مریم نواز شریف نے ایف سی ہیڈ کوارٹر میں منعقدہ تقریب میں شرکت کی۔وزیراعلیٰ مریم نواز شریف 
وفد کے ہمراہ گورنر ہاؤس پہنچ گئیں۔ بعدازاں وزیر اعلیٰ پنجاب مریم نواز شریف وفد کے ہمراہ چیف منسٹر سیکرٹریٹ کوئٹہ بھی گئیں۔ وزیراعلیٰ بلوچستان میر سرفراز احمد بگٹی، صوبائی کابینہ اور اراکین اسمبلی نے وزیراعلیٰ آفس آمد پر پرتپاک استقبال کیا۔ وزیر اعلیٰ مریم نواز شریف نے وزیراعلیٰ بلوچستان،صوبائی کابینہ اور اتحادی جماعتوں کے اراکین سے ملاقات کی۔ وزیراعلیٰ بلوچستان میر سرفراز بگٹی نے وزیراعلیٰ مریم نواز شریف کو بلوچستان آمد پر خوش آمدید کہا۔ وزیراعلیٰ مریم نواز شریف نے کوئٹہ میں وزیراعلیٰ بلوچستان میر سرفراز احمد خان بگٹی کے ہمراہ کابینہ سے گفتگوکرتے ہوئے کہا کہ خوشی ہے کہ 
بحیثیت وزیر اعلیٰ میرا پہلا دورہ بلوچستان کا ہے۔بلوچستان کے عوام کا جذبہ اور پاکستان سے وابستگی قابلِ ستائش ہے۔ بلوچستان کو درپیش چیلنجز میں حکومت پنجاب ہر ممکن تعاون کرے گی۔وزیراعلیٰ مریم نوازشریف نے کہا کہ ہم بلوچستان کیساتھ ہیں، دہشت گردی کا خاتمہ قومی یکجہتی سے ممکن ہے۔بلوچستان میں امن، استحکام اور خوشحالی دیکھنا چاہتے ہیں۔وزیراعلیٰ مریم نوازشریف نے مزید کہا کہ بلوچستان میں خیرمقدم کرنے پر وزیراعلیٰ بلوچستان کی شکر گزار ہوں۔بلوچستان کے لوگوں کی ملک کیساتھ عقیدت کو سراہتی ہوں۔ وزیراعلیٰ مریم نواز شریف نے کہا کہ وزیراعلیٰ بلوچستان موجودہ حالات میں بہت اچھا کام کررہے ہیں۔ بلوچستان کیلئے پنجاب کے وسائل اور خدمات حاضر ہیں۔بلوچستان کے عوام اور حکومت کے ساتھ شانہ بشانہ ہیں۔ وزیراعلیٰ مریم نواز شریف نے کہا کہ دعا ہے کہ بلوچستان خوب آگے بڑھے، امن و امان اور خوشیوں کا گہوارہ بنے۔خوشی ہوگی کہ بلوچستان کے عوام کی خدمت کر سکوں۔حوصلے اور استقامت کیساتھ وزیراعلیٰ بلوچستان صوبے کے معاملات چلارہے ہیں۔ وزیراعلیٰ مریم نواز شریف نے کہا کہ بلوچستان کو فتنہ الخوارج کیخلاف آپریشن میں ہر ممکن تعاون فراہم کریں گے۔دعاہے کہ بلوچستان سے دہشت گردی کا جلد خاتمہ ہو۔عزت افزائی کرنے پر گورنر اور سی ایم بلوچستان کی شکر گزار ہوں۔ وزیراعلیٰ بلوچستان میر سرفراز بگٹی نے کہا کہ سکیورٹی فورسز کے لیے معاونت مثبت اور قابلِ تحسین اقدام ہے۔بلوچستان میں حکومت اور اپوزیشن عوامی فلاح کیلئے متحد ہیں۔
وزیر اعلیٰ پنجاب مریم نواز شریف کی کوئٹہ آمد،پرتپاک استقبال،ایف سی ہیڈکوارٹر تقریب میں شرکت کوئٹہ میں وزیراعلیٰ آفس آمد پر وزیراعلیٰ بلوچستان سرفرازبگٹی،وزراء اورارکان اسمبلی نے پرتپاک استقبال کیا
کوئٹہ آمدپر گورنر بلوچستان جعفر خان مندوخیل نے بھی وزیراعلیٰ مریم نوازشریف اوروفد کا خیر مقدم کیا بلوچستان کو درپیش چیلنجز میں حکومت پنجاب ہر ممکن تعاون کریگی، بلوچستان کے عوام اور حکومت کیساتھ شانہ بشانہ کھڑے ہیں: مریم نواز شریف بلوچستان کے عوام کا جذبہ اور پاکستان سے وابستگی قابلِ ستائش ہے، بلوچستان میں دہشت گردی کا خاتمہ قومی یکجہتی سے ممکن ہے بلوچستان کو فتنہ الخوارج کیخلاف آپریشن میں ہر ممکن تعاون فراہم کرینگے،دعاہے کہ بلوچستان سے دہشت گردی کا جلد خاتمہ ہو بلوچستان میں امن، استحکام اور خوشحالی دیکھنا چاہتے ہیں،حوصلے اور استقامت کیساتھ وزیراعلیٰ بلوچستان صوبے کے معاملات چلارہے ہیں پنجاب حکومت کی طرف سے سکیورٹی کیلئے معاونت مثبت اور قابلِ تحسین اقدام ہے:وزیراعلیٰ بلوچستان میر سرفراز بگٹی کا خراج تحسین
