لاہور( نمائندہ خصوصی):چیئرمین پاکستان کرکٹ بورڈ محسن نقوی سے بنگلہ دیش کرکٹ بورڈ کے صدر امین الاسلام نے قذافی اسٹیڈیم لاہور میں ملاقات کی۔ قذافی اسٹیڈیم آمد پر چیئرمین پی سی بی محسن نقوی نے بنگلہ دیش کرکٹ بورڈ کے صدر کا 
پرتپاک خیرمقدم کیا۔ملاقات کے دوران خطے میں کرکٹ سے متعلق حالیہ جاری بحران اور باہمی دلچسپی کے امور پر تفصیلی تبادلہ خیال کیا گیا۔دونوں حکام نے کرکٹ کے فروغ اور باہمی تعاون کو مزید مضبوط بنانے پر اتفاق کیا۔اس موقع پر بنگلہ دیش کرکٹ بورڈ کے صدر امین الاسلام نے پاکستان کی جانب سے حمایت پر چیئرمین پی سی بی کا شکریہ ادا کیا۔ملاقات میں چیف ایگزیکٹو آفیسر پی ایس ایل سلمان نصیر اور چیئرمین پی سی بی کے ایڈوائزر عامر میر بھی موجود تھے۔
