لاہور۔:( نمائندہ خصوصی)وزیرِ اعظم محمد شہباز شریف نے ٹی ٹوئنٹی کرکٹ ورلڈ کپ کے پہلے میچ میں پاکستان کی نیدرلینڈز کے خلاف جیت پر قوم کو مبارکباد دیتے ہوئےپاکستانی کرکٹ ٹیم کی شاندار کارکردگی کو سراہا ہے اور کھلاڑیوں اور ٹیم 
مینجمنٹ کو خراج تحسین پیش کیا ہے۔ہفتہ کو وزیراعظم آفس کے میڈیا ونگ سے جاری بیان کے مطابق وزیراعظم نے کہا کہ کرکٹ ٹیم نے شاندار کھیل کا مظاہرہ کرتے ہوئے شائقین کے دل جیت لئے ،قومی کرکٹ ٹیم کے لئے ورلڈ کپ کا کامیاب آغاز ہے،امید ہے مستقبل میں بھی جیت کا یہ سلسلہ برقرار رہے گا۔
