جمعیت علمائے اسلام (ف) کے سربراہ مولانا فضل الرحمان کی اسلام آباد میں ہونے والے افسوسناک دھماکہ کی مذمت

اسلام آباد( نمائندہ خصوصی):جمعیت علمائے اسلام (ف) کے سربراہ مولانا فضل الرحمان نے اسلام آباد میں ہونے والے افسوسناک دھماکہ کی مذمت کی ہے۔جے یو آئی کے مرکزی میڈیا سیل کی جانب سے جاری بیان کے مطابق مولانا فضل الرحمان نے کہا کہ حملہ آور انسانیت کے دشمن اور کسی رعایت کے مستحق نہیں ہیں، کے پی اور بلوچستان کے بعد اب اسلام آباد میں بھی مسلسل دہشت گرد کارروائیاں ہورہی ہیں۔انہوں نے کہا کہ دہشت گردوں کا کوئی مذہب نہیں ہے۔ انہوں نے دھماکے میں شہید ہونے والوں کے درجات کی بلندی اور زخمیوں کی جلد صحت یابی کے لئے دعا کی اور لواحقین سے اظہار تعزیت کیا ہے۔ انہوں نے کہا کہ متاثرین کے دکھ میں برابر شریک ہیں۔