علی پور میں نجی اسکول کی طالبہ سے مبینہ جنسی زیادتی ویڈیو وائرل ہونے پر تشویش کی لہر

علی پور (نمائندہ خصوصی)علی پور میں نجی تعلیمی اداروں میں بچوں کے تحفظ سے متعلق خدشات ایک بار پھر سامنے آگئے ہیںجہاں ایک پرائیویٹ اسکول کے استاد پر طالبہ سے مبینہ جنسی زیادتی اور واقعے کی ویڈیو بنا کر وائرل کرنے کا سنگین الزام عائد کیا گیا ہےواقعے کے منظرعام پر آنے کے بعد علاقے میں شدید تشویش پائی جاتی ہے جبکہ والدین نے تعلیمی اداروں میں نگرانی کے نظام پر سوالات اٹھا دیئے ہیںپولیس کے مطابق یہ معاملہ نیا نہیں بلکہ کچھ عرصہ قبل پیش آ چکا ہے پولیس ترجمان کا کہنا ہے کہ ملزم اور متاثرہ خاتون دونوں اس واقعے میں ملوث فریق ہیں اور متاثرہ خاتون پیشے کے اعتبار سے ٹیچر رہ چکی ہیںترجمان کے مطابق خاتون نے اس سے قبل بھی ملزم کے خلاف مقدمہ درج کروایا تھا تاہم بعد ازاں دونوں کے درمیان راضی نامہ ہوگیا تھا جس کے باعث کیس آگے نہ بڑھ سکاحال ہی میں مبینہ ویڈیو کے سوشل میڈیا پر وائرل ہونے کے بعد کیس نے ایک بار پھر توجہ حاصل کی ہےجس پر پولیس نے قانونی پہلوؤں کا دوبارہ جائزہ لینا شروع کر دیا ہےحکام کے مطابق ویڈیو کی صداقت اس کے پھیلاؤ اور قانون کی ممکنہ خلاف ورزیوں سے متعلق تحقیقات کی جا رہی ہیں جبکہ سائبر کرائم قوانین کے تحت بھی کارروائی کا امکان ہےپولیس کا کہنا ہے کہ تحقیقات مکمل ہونے کے بعد حقائق کی روشنی میں قانونی کارروائی عمل میں لائی جائے گی جبکہ کسی بھی فریق کو قانون سے بالاتر نہیں سمجھا جائے گا