لاہور ( نمائندہ خصوصی)انسداد دہشت گردی کورٹ لاہور کے جج محمد ارشد جاوید کو ڈسٹرکٹ اینڈ سیشن جج بہاولنگر تعینات کر دیا گیاانسداد دہشت گردی نمبر تین لاہور کے جج محمد ارشد جاوید نے سانحہ نو مئی کے تین مقدمات میں پی ٹی آئی رہنماؤں 
اعجاز چوہدری اور ڈاکٹر یاسمین راشد کو سزائیں سنائی تھیں، جبکہ عمر سرفراز چیمہ، میاں محمود الرشید سمیت دیگر ملزمان کو بھی مختلف مقدمات میں سزائیں دی گئی تھیں۔ڈسٹرکٹ اینڈ سیشن جج بہاولنگر آصف بشیر کو بھی تبدیل کر دیا گیا ہے، سیشن جج آصف بشیر کو سیشن کورٹ لاہور میں بطور او ایس ڈی تعینات کیا گیا ہے۔چیف جسٹس لاہور ہائی کورٹ کی منظوری کے بعد دونوں ججز کے تبادلوں کا نوٹیفکیشن جاری کر دیا گیا ہے، نوٹیفکیشن کے مطابق تبدیل ہونے والے دونوں سیشن ججز کو 9 جنوری تک نئی تعیناتی کا چارج سنبھالنے کی ہدایت کی گئی ہے۔
9مئی کے مقدمات کی سزائیں سنانے والے انسداد دہشت گردی عدالت لاہور کے جج تبدیل
