چینی مائیکرو انورٹر کمپنی Hoymiles پاکستان میں داخل جدید شمسی توانائی کے حل متعارف

اسلام آباد(نمائندہ خصوصی)پاکستان میں شمسی توانائی کے شعبے میں ایک اہم پیش رفت کے طور پر چین کی معروف مائیکرو انورٹر کمپنی Hoymiles نے ملک میں قدم رکھا ہے تاکہ رہائشی تجارتی اور صنعتی صارفین کے لیے جدید اور طویل دورانیے والے توانائی ذخیرہ کرنے کے حل فراہم کیے جا سکیںکمپنی نے اس سلسلے میں پاکستان کی آٹوموٹو صنعت کی معروف کمپنی Super Star اور توانائی کے شعبے میں نئے آنے والی کمپنی Harrison Energy کے ساتھ اسٹریٹجک شراکت داری قائم کی ہے یہ شراکت داری Hoymiles کے جدید شمسی انورٹرز بیٹری ذخیرہ کاری کے نظام اور اسمارٹ توانائی مینجمنٹ حل کو پاکستانی مارکیٹ تک پہنچانے کے لیے کی گئی ہےتوانائی کے ماہرین کے مطابق، پاکستان میں شمسی توانائی کا استعمال تیزی سے بڑھ رہا ہے، خاص طور پر صنعتی تجارتی اور رہائشی صارفین کے درمیان جو بار بار بجلی کی بندش اور بڑھتی ہوئی قیمتوں سے متاثر ہیں۔ موجودہ نیٹ میٹرنگ کی مجموعی صلاحیت تقریباً 6,000 میگا واٹ ہے جبکہ آف گرڈ سولر کی تنصیب 2025 کے اختتام تک 12,000 میگا واٹ تک پہنچنے کا امکان ہے Hoymiles کے جدید حل صارفین کو نہ صرف قابل اعتماد توانائی فراہم کریں گے بلکہ انہیں صاف اور سبز توانائی کے ذرائع استعمال کرنے کے قابل بھی بنائیں گےکمپنی کے نمائندے کا کہنا ہے کہ ہمارا مقصد پاکستان میں شمسی توانائی کے نظاموں کو مزید مؤثر، پائیدار اور صارف دوست بنانا ہے تاکہ ملک میں توانائی کے بحران کا حل ممکن ہو سکےیہ پیش رفت نہ صرف مقامی توانائی کے شعبے میں جدت کو فروغ دے گی بلکہ صنعتی اور تجارتی صارفین کے لیے توانائی کی خود کفالت کو بھی بڑھا دے گی