‏پاکستان اور جرمنی کے درمیان مشترکہ ترقیاتی منصوبوں کا آغاز

اسلام آباد۔,( نمائندہ خصوصی):پاکستان اور جرمنی کے درمیان مشترکہ ترقیاتی منصوبوں کا آغاز ہوگیا ہے،ایس آئی ایف سی کے تعاون سے پائیدار ترقی اور گرین انویسٹمنٹ کے نئے مواقعوں میں اضافہ دیکھنے میں آیا ہے جبکہ پاکستان اورجرمنی کے درمیان ماحولیاتی و توانائی شراکت داری میں توسیع کی گئی ہے۔جرمنی نے پاکستان کےلئے 114 ملین یورو کی مالیاتی اور فنی معاونت کا اعلان کیاہے۔معاونت کا مقصد موسمیاتی مزاحمت، توانائی کی منتقلی اور سماجی تحفظ کے منصوبوں کو فروغ دینا ہے۔جرمنی کے اشتراک سے پاکستان میں تربیتی پروگرامز،نوجوانوں کےلئے روزگاراور قدرتی آفات سے بچاؤ کے انتظام میں بہتری لائی جائے گی۔جرمنی نے ماحولیاتی تبدیلی، معاشی استحکام اور سماجی شمولیت میں تعاون جاری رکھنے کے عزم کا اعادہ کیا۔کاربن مارکیٹ پروگرام میں پیش رفت کے ساتھ ساتھ ماحولیاتی ترقی اور بین الاقوامی سرمایہ کاری کے لیے عملی اقدامات کابھی آغازکیاگیا ہے۔ایس آئی ایف سی کی موثر حکمت عملی سے پاکستان میں توانائی، روزگار کی فراہمی اور ماحولیاتی استحکام ممکن ہوگا۔