ایس زیڈ اے بی ایم یو کی تاریخی پیش رفت: پاکستان کا پہلا دو سالہ بیریاٹرک ایم ایس پروگرام ’’اسکیلپلز اینڈ اسٹرینتھ‘‘ ٹاؤن ہال میں اعلان

اسلام آباد( ہیلتھ رپورٹر)شہید ذوالفقار علی بھٹو میڈیکل یونیورسٹی  کے وائس چانسلر نے “اسکیلپلز اینڈ اسٹرینتھ — پاکستانی خواتین سرجنز کی نئی شناخت” کے عنوان سے منعقدہ ٹاؤن ہال کے دوران ایک تاریخی اعلان کیا، جس میں پاکستان کے پہلے دو سالہ بیریاٹرک ایم ایس پروگرام کا اجرا کیا گیا۔ یہ اقدام میٹابولک اور بیریاٹرک سرجری میں اعلیٰ اور منظم تربیتی تعلیم کی سمت ایک سنگ میل ثابت ہوگا ۔پروفیسر ڈاکٹر رانا عمران سکندر ایگزیکٹو ڈائریکٹر پمز نے اس پروگرام کو مکمل تعاون کا یقین دلایایہ ٹاؤن ہال پاکستان سوسائٹی فار میٹابولک اینڈ بیریاٹرک سرجری (PSMBS) اور ٹریو فاؤنڈیشن (امریکہ) کے باہمی اشتراک سے منعقد کیا گیا، جس میں پاکستانی خواتین سرجنز کی حوصلہ مندی، قیادت اور میراث کو خراجِ تحسین پیش کیا گیا۔یہ خیال اور تصور ڈاکٹر سنیہ مجید (امریکہ)، صدر ASMBS Treo Foundation اور سیشن کی چیئرپرسن نے پیش کیا۔ تقریب میں نامور خواتین سرجنز نے شرکت کی جنہوں نے اپنے پیشہ ورانہ سفر، چیلنجز اور سرجری میں مستقبل کی قیادت کے وژن پر روشنی ڈالی۔پینلسٹ میں شامل تھیں:* پروفیسر رخسانہ راشد* پروفیسر عذرا اے غنی* ڈاکٹر زہرا رضا* ڈاکٹر ارم نجيب* ڈاکٹر عارفہ منظور
موڈریٹر: ڈاکٹر نازش مسعودہر مقرر نے خواتین کے سرجری کے شعبے میں کردار کے ارتقاء پر گفتگو کی — کہ کس طرح انہوں نے رکاوٹیں توڑیں، آنے والی نسل کی رہنمائی کی، اور مریضوں کی دیکھ بھال میں معیار، صبر اور قیادت کی مثال قائم کی۔اپنے پراثر خطاب میں ڈاکٹر سنیہ مجید نے کہا:”سرجری کی ہر کامیاب کہانی ایک جرات سے شروع ہوتی ہے — رہنمائی، تعلیم اور جدت کی جرات سے۔ پاکستانی خواتین سرجنز نہ صرف آپریٹنگ رومز کو بدل رہی ہیں بلکہ طب میں قیادت کے مفہوم کو بھی نئی جہت دے رہی ہیں۔”پی ایس ایم بی ایس کی نمائندگی کرتے ہوئے پروفیسر ڈاکٹر عاطف انعام شامی نے ٹریو فاؤنڈیشن اور ایس زیڈ اے بی ایم یو کے اشتراک کو سراہا اور کہا:”یہ ٹاؤن ہال شمولیت اور اعترافِ صلاحیت کے ایک نئے دور کی علامت ہے۔ بیریاٹرک ایم ایس پروگرام کا اعلان پاکستان کے سرجیکل تعلیم، اختراع اور معیار کے عزم کو اجاگر کرتا ہے۔”تقریب کے اختتام پر خواتین ڈاکٹروں کے لیے مزید رہنمائی، اشتراک اور قیادت کے مواقع پیدا کرنے کی ضرورت پر زور دیا گیا۔ اس موقع پر پی ایس ایم بی ایس، ٹریو فاؤنڈیشن اور ایس زیڈ اے بی ایم یو نے سرجری کے شعبے میں تنوع، اختراع اور بہترین کارکردگی کے فروغ کے اپنے مشترکہ عزم کو دوہرایا۔”اسکیلپلز اینڈ اسٹرینتھ” اُن تمام باہمت خواتین کو خراجِ تحسین ہے جنہوں نے مہارت اور حوصلے کے ساتھ اسکیلپل تھام کر نئی نسل کو اعتماد، ہمدردی اور عزم کے ساتھ قیادت کرنے کی تحریک دی