گوالمنڈی میں غنڈہ گردی کا لرزہ خیز واقعہ:دودھ میں ملاوٹ کی شکایت کرنے پر شہری کو برہنہ کر تشدد ۔

راولپنڈی (خصوصی کرائم رپورٹر)گوالمنڈی میں بیس روز قبل پیش آنے والے واقعے نے غنڈہ گردی کی نئی داستان رقم کر دی۔ ذرائع کے مطابق دودھ میں ملاوٹ کی شکایت کرنے پر شہری کو تشدد کا نشانہ بنایا گیا۔ بتایا جاتا ہے کہ جنید اور مانی نامی دودھ فروشوں نے بلال ولد صابر نامی شہری کو برہنہ کر کے تشدد کا نشانہ بنایا اور مختلف گلیوں میں مارتے اور گھماتے رہے۔ یہ افسوسناک واقعہ عصر کے بعد سے مغرب تک جاری رہا۔ ذرائع کے مطابق اس واقعے کے دوران پولیس کو بھی “مینج” کیا گیا۔پولیس موقع پر پہنچی مگر کارروائی کے بجائے دونوں فریقین کو چوکی لے جا کر صلح کروادی، جس سے نہ صرف غنڈہ گردی بلکہ پولیس گردی کا بھی پول کھل گیا۔