فوڈ پانڈا کی طرف سے اپنے رائیڈرز میں سموگ سیفٹی کِٹس کی تقسیم

اسلام آباد۔,( نمائندہ خصوصی)آن لائن ڈیلیوری پلیٹ فراہم فوڈ پانڈا نے رواں ہفتے ملک بھر میں اپنے رائیڈر زمیں 8,000 اسموگ سیفٹی کِٹس فراہم کرنے کا اعلان کیا ہے۔فوڈ پانڈا کی طرف سے جاری بیان کے مطابق ہر اسموگ سیفٹی کِٹ میں وہ تمام ضروری اشیاء شامل ہیں جو خراب ہوا کے معیار سے پیدا ہونے والے صحت کے خطرات کو کم کرنے میں مددگار ہیں۔ان کِٹس میں رائیڈرز کے لیے حفاظتی سامان اور ضروری ادویات شامل ہیں تاکہ وہ ممکنہ علامات کا بہتر طریقے سے مقابلہ کر سکیں۔اہم اجزاء میں اعلیٰ معیار کے فلٹریشن والے برانڈڈ فیس ماسک اور اینٹی اسموگ چشمے شامل ہیں تاکہ آنکھوں کو فضائی ذرات سے بچایا جا سکےجسم کے اندرونی ریلیف کے لیے، کِٹس میں اینٹی الرجی دوا، شہد لیموں جیسے اجزا پر مشتمل ٹافیاں جوشاندا کے پیکٹس، اسکن پروٹیکٹنٹ (جلد کی حفاظت کے لیے)، اور عرق گلاب (آنکھوں کی صفائی کے لیے) شامل ہیں۔اس کے علاوہ، ہر کِٹ میں ریفلیکٹیو بائیک اسٹیکرز بھی شامل کیے گئے ہیں تاکہ دھند یا کم روشنی کے حالات میں رائیڈرز کی نمایاں موجودگی یقینی بنائی جا سکے۔اس موقع پر فوڈ پانڈا کے ہیڈ آف لاجسٹکس احسن ملک نے کہاکہ ہمارے رائیڈرز ہمارے پلیٹ فارم کے اصل ہیروز ہیں، جو ہر موسم میں صارفین تک سہولیات پہنچاتے ہیں۔