لاہور:ایمانداری کی اعلی مثال قائم:ریلویز پولیس کی “خاتون ایس ایچ او”کو رشوت کی پیشکش کرنیوالا ملزم گرفتار

لاہور ( نمائندہ خصوصی)لاہور ریلویز پولیس کی خاتون ایس ایچ او نے ایمانداری کی اعلی مثال قائم کردی، ملزم فضل سلطان نے ایس ایچ او کو چوری میں ملوث ملزم کو رہا کرنے کے عوض 28ہزار روپے رشوت کی پیشکش کی تھی جس پر تھانہ ریلویز پولیس راولپنڈی میں تعینات ایس ایچ او طیبہ انعم نے ملزم کو رشوت پیش کرنے پر فورا گرفتار کرلیا ملزم فضل نے چوری میں ملوث ملزم عمران کو چھڑوانے کی غرض سے ایس ایچ او سے غیر مناسب رویہ بھی اختیار کیا پیرودھائی راولپنڈی کے رہائشی ملزم کو اس عمل سے منع کرنے کے باوجود اس نے ایس ایچ او کو 28 ہزار روپے رشوت پیش کی خاتون ایس ایچ او نے دیانتداری اور پیشہ وارانہ رویہ اختیار کرتے ہوئے ملزم کو رشوت کی پیشکش پر فوری گرفتار کرلیا ملزم فضل سلطان کے خلاف تھانہ ریلویز پولیس راولپنڈی میں مقدمہ درج کرلیا گیا ہے اور مزید تفتیش جاری ہے