پیکٹا کی نااہلی سے کتب کا بحران پیدا ہونے کا خدشہ پیکٹا حکام و زیر اعلیٰ پنجاب مریم نواز کے’پڑھا لکھاپنجاب‘ ویژن کی راہ میں رکاوٹیں ڈالنے لگے

لاہور( نمائندہ خصوصی) پیکٹا حکام و زیر اعلیٰ پنجاب مریم نواز کے’پڑھا لکھاپنجاب‘ ویژن کی راہ میں رکاوٹیں ڈالنے لگے ،پیکٹا حکام کی نااہلی سے آئندہ سال کتب کا بحران پیدا ہونے کا خدشہ ہے۔’پڑھا لکھاپنجاب‘ وزیر اعلیٰ مریم نواز کے انقلابی تعلیمی ویژن کا عملی مظہر ہے جس کا مقصد نہ صرف تعلیم کو عام کرنا ہے بلکہ اسے معیاری، جدید اور ہر طبقے کی پہنچ میں لانا ہے لیکن پنجاب ایجوکیشن کریکولم ٹریننگ اینڈ اسیسمنٹ اتھارٹی (پیکٹا) کی نااہلی سے آئندہ تعلیمی سال میں کتب کا بحران پیدا ہونے کا خدشہ ہے۔تفصیلات کے مطابق لاہور کے پرنٹر ز پبلشر ز نے مالی سال 2025-26 کیلئے وزیر اعلیٰ پنجاب مریم نوازکے’پڑھا لکھاپنجاب‘ ویژن کے تحت گورنمنٹ پبلک سکولز کیلئے پنجاب ایجوکیشن کریکولم ٹریننگ اینڈ اسیسمنٹ اتھارٹی (پیکٹا) کے حکم پر کتب شائع کیں ، تاہم لاہور کے پرنٹر ز پبلشر زکو ابھی تک کتب اشاعت کی ادائیگی نہ ہو سکیں ، سالانہ ادائیگی اور (پیکٹا) حکام کی طرف سے ایڈیشن کی ادائیگی بھی تاحال نہ ہو سکیں۔ذرائع کے مطابق پیکٹا حکام نے لاہور کے پرنٹر ز پبلشر ز کومارچ میں کتب کی اشاعت کے واجبات ادا کرنے تھے لیکن محکمہ تعلیم کی نااہلی اور عدم توجہی کے سبب ابھی تک سالانہ اور ایڈیشن کی ادائیگی نہیں ہو سکیں جس کی وجہ سے 2026-27 میں کتب کا بحران پیدا ہونے کا خدشہ ہے ۔ذرائع کے مطابق لاہور کے پرنٹر ز پبلشر ز کی بڑی تعداد پیکٹا کی جانب سے کتب اشاعت کی ادائیگیاں نہ ہونے سے مایوسی اور مالی مسائل کا شکارہوں گئے ہیں اگر محکمہ تعلیم نے فوری طور پر لاہور کے پرنٹر ز پبلشر ز کی رقم ادا نہ کی توآئندہ تعلیمی سال میں کتب کا بحران پیدا ہونے کا خدشہ ہے اگر ایسا ہو گیا تو وزیر اعلیٰ پنجاب مریم نواز کا وژن پڑھا لکھا پنجاب کی تکمیل ممکن نہیں سکے گی۔