امید اور آس کی نئی کرن، مریم نواز کا مستحق خاندانوں کو چھتوں کی فراہمی کا مشن

لاہور( نمائندہ خصوصی) وزیراعلیٰ پنجاب مریم نواز شریف کے عوام دوست ویڑن کے تحت ”اپنی چھت اپنا گھر“ پروگرام صوبے کے مستحق خاندانوں کے لیے امید اور آس کی نئی کرن ثابت ہو رہا ہے۔ یہ پروگرام وزیراعلیٰ کے دل کے قریب ترین منصوبوں میں شامل ہے، جس کے تحت گھروں سے محروم ہزاروں خاندانوں کو اپنی چھت فراہم کی جا رہی ہے۔ترجمان محکمہ ہاو ¿سنگ کے مطابق ”اپنی چھت اپنا گھر“ پروگرام کی ماہ اگست کی کارکردگی رپورٹ جاری کر دی گئی ہے، جس کے مطابق ایک ہی ماہ میں ریکارڈ کامیابیاں حاصل کی گئیں۔ اگست میں مجموعی طور پر 20,931 مستحق خاندانوں کو قرضہ جات فراہم کیے گئے، جن میں سے 11,839 خاندانوں کو گھروں کی تعمیر کے لیے براہ راست قرضے دیے گئے۔ مزید 9,092 خاندانوں کو گھروں کی تعمیر مکمل کرنے کے لیے دوسری قسط جاری کی گئی۔رپورٹ کے مطابق اگست کے مہینے میں 3,472 نئے گھروں کی تعمیر مکمل کر لی گئی جبکہ 475.4 ملین روپے کے قرضہ جات کی ریکوری بھی کی گئی۔ترجمان محکمہ ہاو ¿سنگ کے مطابق پروگرام کے آغاز سے اب تک 73,743 خاندانوں کو قرضہ جات فراہم کیے جا چکے ہیں جبکہ 87.02 ارب روپے کے قرضے مستحق خاندانوں میں تقسیم کیے گئے۔ اس وقت صوبے بھر میں 63,851 گھر زیر تعمیر ہیں، جن میں سے 11,655 گھروں کی تعمیر مکمل ہو چکی ہے۔ اسی طرح 44,552 خاندانوں کو گھروں کی تعمیر کے لیے دوسری قسط جاری کی جا چکی ہے۔ پروگرام کے آغاز سے اب تک 1.38 ارب روپے کے قرضہ جات کی ریکوری بھی کی گئی ہے۔ترجمان محکمہ ہاو ¿سنگ کہ مطابق وزیراعلیٰ پنجاب مریم نواز شریف روزانہ کی بنیاد پر اس منصوبے کی مانیٹرنگ خود کر رہی ہیں، جس کے باعث شفافیت اور کارکردگی یقینی بنائی گئی ہے۔ ”اپنی چھت اپنا گھر“ حقیقی معنوں میں عوامی منصوبہ ثابت ہو رہا ہے اور اس کی کامیابی عوام کے اعتماد کی روشن عکاسی کر رہی ہے۔