اسلام آباد ( نمائندہ خصوصی)وفاقی وزیر برائے ماحولیاتی تبدیلی سینیٹر شیری رحمان نے کہاہے کہ ”عالمی سازش“کے بیانیہ کے ساتھ احتساب کے بیانیہ کا بھی بھانڈا پھوٹ گیا ہے۔ اپنے بیان میں انہوںنے کہاکہ عمران خان کے اپنے وزراءبھی اب تحریک انصاف کی انتقامی کاروائیوں اور من گھڑت کیسز کے گواہ بن گئے ہیں۔
انہوں نے کہاکہ جس بیانیہ کو لیکر عمران خان پونے چار سال مخالفین کو نشانا بناتے رہے وہ محض ایک کھوکھلا نعرہ نکلا۔ انہوں نے کہاکہ انہوں نے سیاسی مقاصد کیلئے قانون اور احتساب کے اداوں کو یرغمال بنایا۔ انہوںنے کہاکہ نام نہاد احتساب کے عمل میں کس سطح پر مداخلت کی گئی اس کی اب تحقیقات ہونی چاہئے۔ انہوں نے کہاکہ پوری قوم کو پتا ہونا چاہئے کہ تحریک انصاف نے پونے چار سال اداروں اور قوانین کی کس طرح دھجیاں اڑائی،اقتدار ملک و قوم کی امانت ہوتا ہے۔
شیری رحمن نے کہا کہ دوسروں کو چور ڈاکو بولنے والوں نی اقتدار اور طاقت کا بے دریغ استعمال کیا، احتساب کا نعرہ لگا کر دوسروں کو چور ڈاکو کہنے والوں کا بھی اب احتساب ہونا چاہیے۔ سینیٹر شیری رحمن نے کہاکہ عمران خان کی مفروضی بیانیوں پر بنی تحریک اب چل نہیں پا رہیے
