حزب المجاھدین کا کمانڈر مقبول علائی کو ان کے یوم شہادت پر شاندار خراجِ تحسین مظفر آباد (نمائندہ خصوصی

شہید مقبول علائی کو یقین کامل تھا کہ ان کا مقدس لہو اور پاک جدوجہد بے ثمر نہیں رہے گی۔تاریخ نے یہ ثابت کیا کہ ان کے لہو کے ہر قطرے نے سینکڑوں مجاہدین پیدا کئے اور ہر کشمیری غلامی کی زنجیروں سے آزادی کیلئے پوری یکسوئی کے ساتھ مجاہدین کا پشت بان بنا ہوا ہے۔ان خیالات کا اظہار نائب امیر حزب المحاھدین محمد سیف اللہ خالد نے اپنے ایک بیان میں حزب سالار اعلیٰ شہید مقبول علائی ؒ کے تیسویں یوم شہادت پر انہیں خراج عقیدت پیش کرتے ہوئے کیا۔ انہوں نے کہا شہید مقبول علائی اسلامی فکراور عمل کا ایک نمونہ تھے۔شہید مقبول علائی بہترین عسکری صلاحیتوں کے مالک تھے دشمنوں کی کمزریوں کو سامنے رکھ کر کامیاب کاروائی کی حکمت عملی طے کرنا ان کی اہم خصوصیت تھی۔ شہید مقبول علائی ایک عظیم قائد تھے، جس نے دنیاوی عیش و عشرت کو ٹھکرا کر اسلام کی سربلندی اور آزادی کشمیر کی کامیابی کیلئے زندگی کا ہر لمحہ قربان کیا اور باطل کے سامنے سر جھکانے سے انکار کرکے شہادت کو ترجیح دی۔انہوں نے کہا مجاہدین کی چھوٹی سی جماعت آج بھی وادی میں ایک بڑی فوج کا مقابلہ سامانِ حرب و ضرب نہ ہونے کے باوجود کررہے ہیں، اللہ پر توکل کرکے مجاہدین باطل کے سامنے کھڑے ہیں اور اپنا لہو تحریک آزادی کشمیر کے لئے نچھاور کررہیں۔ محمد سیف اللہ خالد نے اس عزم کا اظہار کیا کہ شہید مقبول علائی سمیت شہداء کشمیر کا پاک لہو ضرور رنگ لائیگا اور وطن عزیز ، آزادی کی نعمت ضرور حاصل کرنے میں کا میاب ہوگا۔