کراچی (نمائندہ خصوصی) جمعیت علمائے اسلام کے سربراہ مولانا فضل الرحمان کی جانب سے مرکزی مجلس عاملہ کے دو روزہ اجلاس کے بعد پر ہجوم پریس کانفرنس میں استعمال ہونے والے الفاظ ” ایوان نہیں میدان ” ٹوئٹر X پر پاکستان کا ٹاپ ٹرینڈ بن چکا ہے جس پر ہزاروں افراد کی جانب سے ٹویٹ ہوچکی ہیں ۔ جے یوآئی کے مرکزی ڈیجیٹل میڈیا سیل کے رکن سمیع سواتی کے مطابق جے یوآئی کارکنان نے یہ ٹرینڈ
اپنے طور پر سیٹ کیا ہے ۔ ان کہنا تھا کہ جمعیت علمائے اسلام کے کارکنان میں نتائج سے پھیلنے والی بےچینی ہمارے قائد مولانا فضل الرحمان کے پریس کانفرنس سے ختم ہورہی ہے ۔ مولانا فضل الرحمان نے قوم کے سامنے دھاندلی زدہ الیکشن نتائج کا مکروہ چہرہ فاش کردیا ہے ۔ اب ذمہ داران اور کارکنان کے سامنے پالیسی اور حکمت عملی واضح ہوچکی ہے ۔ ان کا کہنا تھا جے یوآئی کارکنان نے ہمیشہ اپنی جماعت کے فیصلوں پر لبیک کہا ہے اور وہ اب بھی مرکزی مجلس عاملہ اور مرکزی امیر کے فیصلوں کی بسروچشم قبول کریں گے ۔
