لاہور(بیورو رپورٹ )لاہور سے نو منتخب ممبر قومی اسمبلی اور جنرل سیکریٹری پاکستان تحریک انصاف (پی ٹی آئی) لاہور وسیم قادر مسلم لیگ (ن) میں شامل ہوگئے۔ تفصیلات کے مطابق قومی اسمبلی کے حلقہ NA-121 
لاہور سے کامیاب آزاد امیدوار وسیم قادر نے باضابطہ طور پر ن لیگ میں شمولیت کا اعلان کردیا۔ وسیم قادر نے مسلم لیگ (ن) کی چیف آرگنائزر مریم نواز سے ملاقات کے دوران مسلم لیگ ن میں شمولیت کا اعلان کیا۔
نو منتخب ایم این اے وسیم قادر نے مسلم لیگ ن کے قائد نواز شریف پر مکمل اعتماد کا اظہار بھی کیا۔انہوں نے کہا کہ حلقہ کے عوام اور دوستوں کی مشاورت سے مسلم لیگ ن میں شامل ہو رہا ہوں۔پاکستان مسلم لیگ (ن) کی چیف آرگنائزر مریم نواز نے وسیم قادر کے فیصلے کا خیر مقدم کرتے ہوئے انہیں مبارکباد دی۔
پی ٹی آئی کے نومنتخب رکن قومی اسمبلی وسیم قادر کاباضابطہ طور پر ن لیگ میں شمولیت کا اعلان
Please login to join discussion