الیکشن 2024:ایمکیو ایم پاکستان کے مرکزی انتخابی دفتر پاکستان ہاؤس میں رات گئے جشن منانے کے لئے عوام کا ریلیوں کی شکل میں آمد کا سلسلہ جاری

کراچی(نمائندہ خصوصی)متحدہ قومی موومنٹ پاکستان کے مرکزی انتخابی دفتر پاکستان ہاؤس میں رات گئے کراچی کے مختلف علاقوں سے عام انتخابات میں بھرپور کامیابی کا جشن منانے کے لئے عوام کی ریلیوں کی شکل میں آمد کا سلسلہ جاری رہا، کارکنان کے پرجوش فلک شگاف نعروں اور تنظیمی ترانوں سے علاقہ گونج اٹھا، کارکنان تحریکی ترانوں پر رقص کرتے رہے رات گئے مرکزی انتخابی دفتر پاکستان ہاؤس میں عید کا سماں، مرکز بہادر آباد، پاکستان ہاؤس اور شہر کے مختلف مقامات پر زمہ داران و کارکنان کی جانب سے شہریوں کو مٹھائیاں بھی تقسیم کی جاتی رہیں، کنوینر ڈاکٹر خالد مقبول صدیقی سمیت سینئر ڈپٹی کنوینرز سید مصطفیٰ کمال، ڈاکٹر فاروق ستار، نسرین جلیل، ڈپٹی کنوینر انیس قائم خانی، اراکینِ رابطہ کمیٹی اور کامیاب امیدواران کارکنان کے درمیان موجود اور نعروں کا جواب دیتے رہے، اس موقع پر عوام کا جم غفیر مرکزی انتخابی دفتر کے اندر اور ملحقہ سڑک پر موجود تھا۔