پیپلز پارٹی مختلف مافیا چلا رہی ہے یا مختلف مافیا پیپلز پارٹی کو چلا رہے ہیں یا پیپلز پارٹی خود مافیا ہے:اشرف میمن

کراچی(نمائندہ خصوصی) پاکستان راہ حق پارٹی کے مرکزی سیکرٹری اطلاعات و نشریات اشرف میمن ،مرکزی نائب صدر عاقب خان سواتی کراچی ڈویژن کے صدر مولانا عادل عمر اور جنرل سیکرٹری انور حسین نے میڈیا سیل سے جاری اپنے بیان میں کہا کہ پیپلز پارٹی پورے سندھ خصوصی کراچی میں مختلف قبضہ مافیا منشیات مافیا اسمگلنگ مافیا اور ہر طرح کے جرائم پیشہ افراد کی سرپرستی کر رہی ہے ۔نوجوانوں کو یونیورسٹی میں پڑھانے کے بجائے مختلف مافیا کے کنٹرول میں دے دیا ہے پورے سندھ خصوصی کراچی میں قبضہ مافیا کا راج ہے جنہوں نے درجنوں غنڈںے پال رکھے ہیں اور ہمارے بچوں کو منشیات کا عادی بنا ریے ہیں ہر علاقے میں منشیات فروشوں کا راج ہے اور یہ اسمگلنگ مافیا ہمارے خزانے کو نقصان پہنچا رہی ہیں پانی مافیا نے لوگوں کو بوند بوند کا محتاج بنا دیا ہے انھوں نے مزید کہا کہ پیپلز پارٹی ہر طرح کی مافیا کی سرپرست ہے اور ان کے جیالے پولیس کی سرپرستی میں علاقوں میں بد معاشی اور غنڈہ راج کی مدد سے لوگوں کو ڈرانے دھمکانے کے کام میں مصروف ہیں انھوں نے کہا کہ ارباب اختیار ۔ آرمی چیف اور سیکورٹی ایجنسیاں نوٹس لیں اور عوام کو سندھ میں صاف ستھرا ماحول فراہم کریں انہوں نے عوام سے اپیل کی ہے کہ الیکشن مہم میں ان لوگوں کو پھولوں کے بجائے جوتوں کے ہار پہنائیں اور پولنگ ڈے پر استری کے نشان پر مہر لگائیں راہ حق پارٹی کے امیدواروں کو اقتدار کی اس منزل تک پہنچائیں جہاں ان کے یہ تمام مسائل حل ہوں