اسلام آباد ( مانیٹرنگ ڈیسک )وفاقی دارالحکومت اسلام آباد میں یوم پاکستان کی مرکزی پریڈ جاری ہے۔جس میں مہمان خصوصی صدر مملکت ڈاکٹر عارف علوی تھے جبکہ وزیراعظم عمران خان نے بھی پریڈ میں شرکت کی
اسلام آباد کے شکر پڑیاں پریڈ گراؤنڈ یوم پاکستان کی مرکزی تقریب جاری ہے جس میں مسلح افواج کے آرمڈ کور، ائیر ڈیفنس اور دیگر دستے مارچ پریڈ اور فلائی پاسٹ کا مظاہرہ کریں گے، میزائل، یو اے وی پاکستان کے ناقابل تسخیردفاع کی علامت کے طور پر پریڈ کا حصہ ہیں۔
اس سال یوم پاکستان کی مرکزی پریڈ کا تھیم ‘شاد رہے پاکستان’ رکھا گیا ہے جو قومی ترانے سے لیا گیا ہے۔
او آئی سی وزرائے خارجہ اجلاس کے شرکاء کوپریڈ میں خصوصی طور پر مدعو کیا گیا ہے اور او آئی سی کے فلوٹ کو یوم پاکستان کی پریڈ میں خصوصی طور پر شامل کیا گیا ہے۔
چیئرمین جوائنٹ چیفس آف اسٹاف جنرل ندیم رضا، آرمی چیف جنرل قمر جاوید باجوہ، نیول چیف ایڈمرل اجمل خان نیازی اور ائیر وائس مارشل زبیر حسن خان یوم پاکستان کی مرکزی تقریب میں موجود ہیں آج کی اس شاندار پریڈ میں پاک فضائیہ میں حال ہی میں شامل ہونے والے جے10طیارے خصوصی فلائی پاسٹ کا مظاہرہ کریں گے
