لاہور:معروف مذہبی سکالر مولانا اسید الرحمٰن کے ساتھ ڈکیتی کی واردات ۔ ڈاکو اسلحہ کے زور پر آئی فون چھین کر فرار ہوگئے۔

لاہور(کرائم رپورٹر) پاکستان ٹیلیویژن اور ریڈیو پاکستان کے دینی پروگراموں کے معروف مذہبی سکالر مولانا اسید الرحمٰن کے ساتھ ڈکیتی کی واردات ۔ ڈاکو اسلحہ کے زور پر آئی فون 7پلس قیمت قریبا 50000 روپے چھین کر فرار ہوگئے۔گزشتہ روز لارى اڈا تھانہ کی حدود میں مولانا اسید الرحمٰن جیسے ہی گاڑی سے اترےتو 125موٹر سائیکل پر سوار دو نامعلوم افراد نے اسلحہ کے زور پر موبائل فون چھینا اور فرار ہو گئے۔ مولانا کی درخواست پر تھانہ لاری اڈا نے پرچہ درج کر کے تفتیش شروع کر دی۔ اسید الرحمٰن نے وزیر اعلی پنجاب اورآئی جی پنجاب سے اپیل کی ہے کہ اس کا نوٹس لیا جائے کیونکہ لاری اڈہ کے قریب اسی جگہ پر ایک ہی روز میں موبائل چھیننے کی کئی وارداتیں ہو چکی ہیں۔